由原本J2轉型嘅TVB Plus,周一二晚都有梁思浩主持嘅節目《直播靈接觸》。尋晚一集講到「續命」,並邀得患聲帶鱗狀細胞癌嘅TVB前資深演員顏國樑及其前藝人太太霍潔貞,分享相關經歷,原來顏國樑一度病重昏迷,更陷於生死邊緣15日。霍潔貞憶述顏國樑入院時已經昏迷接受搶救,但醫生話情況隨時轉差,要送入深切治療部。而顏國樑當時出現呼吸困難,即使吸住純氧氣都要好用力。