同炎明熹原來係同學 ？T.MAX大爆Gigi參加唔到《造星3》原因

無綫歌唱選秀節目《聲夢傳奇》戰况緊湊，決賽將在今個月中舉行。現年15歲嘅炎明熹（Gigi）被視為冠軍大熱，初次亮相翻唱王菲《守望麥田》已經成功吸納一大班粉絲，每場比賽亦都有亮眼演出，當中翻唱天后林憶蓮經典金曲《沒有你還是愛你》大獲好評，好多網民力讚佢唱歌有天份，甚至有評審對佢有極高評審，話佢可以直接簽公司出道。

近日曾參加《全民造星3》嘅T.MAX（海淦清）接受傳媒訪問，期間就話Gigi係佢音樂學校嘅同學，佢哋當時俾音樂學校選出做特別培訓。每星期要學唱歌、排舞、學樂器，星期日更要朝9晚6操體能、學樂理及練台風等等，所以有一年多幾乎係朝夕相對。

另外，佢哋亦一齊合作過學院音樂劇《忘不了的禮物2》，當時Gigi只得12歲，把聲已經震撼打動到佢，其他考試表演經常都攞最高分。T.MAX又話Gigi諗嘢同大家好唔同有自己一套, 有時會帶到新觀點俾大家，令到大家更想了解佢嘅世界。《全民造星3》選拔時Gigi因唔夠年齡無法参加，但都有陪其他同學去面試學吓嘢，之後Gigi就參加《聲夢傳奇》。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！