TVB台慶劇已落實 金宵大廈被飛出 鄭嘉穎與馬國明視帝鬥演技?

·2 分鐘文章
TVB台慶劇已落實 金宵大廈被飛出 鄭嘉穎與馬國明視帝鬥演技?
TVB台慶劇已落實 金宵大廈被飛出 鄭嘉穎與馬國明視帝鬥演技?

劇集《金宵大廈》及《白色強人》喺2019年播出時大受歡迎,盛傳兩套劇集續集《金宵大廈1968》及《白色強人II》將會成為TVB 2021年台慶劇,但TVB早前已將本年度台慶劇落實,最後兩者皆無緣成為今年台慶劇。今個年度台慶劇將會係《換命真相》、《星空下的仁醫》、《十月初五的月光》及《拳王》。

率先喺下周一(18日)播出嘅係《換命真相》與《星空下的仁醫》;由近來與Netflix原創劇《魷魚遊戲》男主角李政宰撞樣嘅譚俊彥及鄧佩儀主演嘅《換命真相》將安排喺8時半播映,以穿越為題,講述譚俊彥獲得重生機會,希望阻止災難發生;譚俊彥就表示知道《換命真相》係台慶劇有啲壓力,但自己一定會做好佢,打響頭炮。而《星空下的仁醫》就會喺9時半播出,除咗首度以兒童醫院為題材夠新鮮,演員陣容都成追看關鍵,先係鍾嘉欣榮升媽媽後首度再出演女主角角色,久未喺TVB露面嘅周家怡與鄭嘉穎亦再度與TVB合作,聯同馬國明演出,將會係鄭嘉穎與馬國明兩位視帝繼2010年《鐵馬尋橋》後再次合作。

《換命真相》劇照
《換命真相》劇照
《換命真相》劇照
《換命真相》劇照
《星空下的仁醫》劇照
《星空下的仁醫》劇照
《星空下的仁醫》劇照
《星空下的仁醫》劇照

《十月初五的月光》、《拳王》被安排11月22日同日接力播出,8時半播映嘅《十月初五的月光》由胡鴻鈞飾演「初哥哥」、何依婷飾演「祝君好」,網民對於何依婷首次擔任女一就飾演當年佘詩曼經典角色表示唔太睇好,但何依婷就表示當佘詩曼係前輩,自問盡力演出就已經問心無愧。至於9時半播出嘅《拳王》就以拳擊為題,由黎耀祥、張振朗及姚子羚主演,張振朗就提到《拳王》係入行十年以嚟最辛苦嘅一套劇,拍攝前已用上一年時間操弗身形,一直要keep住身形到最後一日,加上打拳戲好難演,不過好開心突破自己,又指對於攞視帝抱隨緣態度。

《十月初五的月光》
《十月初五的月光》
《拳王》
《拳王》

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能