TVB將開拍港版《Penthouse上流戰爭》 雲集靚女演員惹網民關注

TVB開拍港版《Penthouse》
TVB開拍港版《Penthouse》

曾志偉上年強勢回歸無綫做高層,並進行一連串嘅改革,早前有消息指佢邀請外援導演葉念琛開拍以大熱韓劇《Penthouse上流戰爭》為藍本嘅劇集《美麗戰場》(前名:《我的燦爛》),據知劇集將於6月開拍,而演員陣容方面就有緋聞情侶陳瀅和方力申、何依婷、劉佩玥、陳曉華、朱晨麗、蔣家旻和陳山聰等等。

韓劇《Penthouse上流戰爭》喺前年播出時喺亞洲掀起追劇熱潮,而決心改革TVB嘅曾志偉力邀導演葉念琛開拍類似韓劇《Penthouse上流戰爭》嘅劇集。《美麗戰場》共20集,主要圍繞幾位女角色之間為復仇而明爭暗鬥嘅故事,講述唐家寶、唐昕、李靜兒和林小美原本係好姊妹,每逢有任何開心或傷心時都會互相分享和支持,不過可惜最終因妒忌而反目成仇、各⾛各路。

首次為劇集任監製同導演嘅葉念琛,多次喺社交網站更新劇集消息,早前表示努力為劇集選角及忙於閉關寫劇本,結果引嚟唔少演員舉手自薦想入劇組。最近佢宣佈新劇《我的燦爛》改名為《美麗戰場》,並問大家期唔期待新劇。

演員陣容消息傳出後,唔少網民都留言支持,例如「陳瀅做女一, 有新鮮感」、「陳瀅 陳曉華靚女啊 今次有機會證明自己實力」、「女角人選我覺得幾好 想知仲有咩男角」、「藝員陣容都吸引 多新一代演員」、「新名無咁娘,加入何依婷拉低平均年齡,好事」及「有陳瀅+劉佩玥組合都ok 好耐未見佢兩個再合作」、「呢6位女角難得都唔黑人憎,可以留意吓」等等。

葉念琛
葉念琛
葉念琛
葉念琛
葉念琛
葉念琛
陳瀅
陳瀅
方力申
方力申
何依婷
何依婷
陳山聰
陳山聰
蔣家旻
蔣家旻
朱晨麗
朱晨麗
劉佩玥
劉佩玥
陳曉華
陳曉華

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能