TVB影片頻道抄ViuTV《美女郊遊遊》惹網民不滿：名都要抄人

無綫早前因影片頻道「女神channel」上傳張曦雯嘅片段寫住「自食可肥｜但很好味」，影片嘅版面設計、字眼及顏色都抄足ViuTV嘅《ERROR自肥企画》，搞到網民相當不滿，之後要下架之餘，更連累張曦雯被網民鬧。無綫抄完一次都未夠，另一影片頻道「See See TVB」竟然出咗條片名為《Honey初體驗︰姐姐郊遊遊》嘅影片，竟然同ViuTV節目由人氣女神沈殷怡和陳欣妍主持嘅《美女郊遊遊》撞名。

《姐姐郊遊遊》係講何泳芍（Honey）跟幾位菲律賓姐姐行山沿路清理垃圾，雖然節目好有教育意義，但個名抄到咁足，好難唔令人諗起ViuTV《美女郊遊遊》。當時ViuTV喺愚人節為節目出咗左個「首個只着三點式行山節目」嘅搞笑預告，引起網上高度關注。無綫再次抄襲ViuTV人氣節目引起網民爭論及取笑，紛紛留言話「你抄還抄，連個名都抄埋人，究竟有冇廉恥」、「點解要抄名」、「名都要抄人」、「堂堂大台wor度個節目名都要抄？」及「抄到諗名都懶」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載