TVB推新麻雀真人騷招高手參與 被指翻炒亞視1989年麻雀遊戲?

TVB推新麻雀真人騷招高手參與 被指翻炒亞視1989年麻雀遊戲?

自曾志偉被委任為TVB總經理(節目內容營運),先後著手推出及宣傳《聲夢傳奇》、《盛舞者》等真人騷節目,近日TVB又再出擊,即將開拍麻雀真人騷《麻雀鬥室三決一》,並公開招募一班年滿18歲嘅麻雀高手參與。不過,原來亞視(ATV)早喺1989年已舉辦過「麻雀」節目。

TVB喺官方網站介紹《麻雀鬥室三決一》喺一個以「麻雀」為主題嘅大型遊戲節目,希望集結各路參加者參與,推廣香港麻雀文化,參賽者將有機會獲得TVB所指定嘅獎金及獎品。有網民就喺討論區留言表示唔睇好:「其實呢個年代,仲有人打牌既咩?麻將節目仲有得做?唔通成晚睇人打牌?咁點解唔自己打?」,又質疑TVB翻炒自己以前嘅麻雀節目以及亞視嘅《開檯》。

亞視《開檯》喺1989年首播,節目創新令其大受歡迎,最後加碼至四輯先完結。《開檯》由安德尊與劉志榮主持,從現場觀眾中抽中參加者參與麻雀遊戲爭奪獎金,最高嘅累積獎金曾高達91萬港元。至於TVB亦喺2004年推出過《麻雀王爭霸戰》,由沈殿霞(肥姐)主持,講解識破出千嘅方法;2017年又喺Big Big Channel推出《明星麻雀王大賽》及《big big channel麻雀王:劇鬥四方城》兩個麻雀節目,不過未有引起太多迴響,唔知呢次真人騷《麻雀鬥室三決一》反應又係點呢?

《麻雀鬥室三決一》現正公開招募麻雀高手
《麻雀鬥室三決一》現正公開招募麻雀高手
《麻雀鬥室三決一》
《麻雀鬥室三決一》
《麻雀鬥室三決一》
《麻雀鬥室三決一》
《麻雀鬥室三決一》
《麻雀鬥室三決一》
亞視《開檯》
亞視《開檯》
亞視《開檯》
亞視《開檯》
亞視《開檯》
亞視《開檯》

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!