TVB新五虎|何遠恆曾一度與古天樂、古巨基、劉愷威、吳家樂失聯 轉行北上發展生意

《星光匯聚成翡翠》截圖
《星光匯聚成翡翠》截圖

TVB成功捧紅唔少小生花旦,1995年搵嚟古天樂、古巨基、劉愷威、吳家樂及何遠恆組成「新五虎」 ,成功吸納一班妹妹粉絲。不過,佢哋好快就各有各發展。其中,古天樂、古巨基、吳家樂和劉愷威仍活躍於幕前,何遠恆則退出娛樂圈,北上轉投冷氣工程及瓷磚生意;日前,何遠恆擔任《星光匯聚成翡翠》嘉賓,直言:「『TVB新五虎』這個名號可以刻在歷史上,大家永遠都能在網上查到,對我來說是一件很榮幸的事。」

何遠恆1998年淡出幕前,曾一度與其餘四虎失去聯絡,古巨基曾接受媒體訪問時表示大家都曾商討過要點樣先搵到何遠恆。結果,2018年古巨基成功邀請到古天樂、何遠恆、吳家樂和劉愷威齊齊擔任紅館演唱會嘉賓,古巨基於台上播出五虎當年合照,仲叫工作人員拿道具上台,重新擺出當年甫士合照,四虎除咗大談對古巨基印象,仲大跳古天樂《今期流行》拜神舞,觀眾笑聲四起,炒熱氣氛。

何遠恆亦曾經與李彩華有過一段情,2015年更因與李彩華拍拖而再次登上娛樂版。二人因朋友介紹而認識,拍拖3年和平分手,當時李彩華曾回應傳媒指分手並唔涉及第三者,而係婚姻理念達唔到共識所以忍痛分手,佢當時亦喊住表示何遠恆係佢遇到最好嘅一個男人,記得對方分手時仲同佢講,無論以後點樣都會當佢係一家人,但奈何大家已走到盡頭。

《星光匯聚成翡翠》截圖
《星光匯聚成翡翠》截圖
《星光匯聚成翡翠》截圖
《星光匯聚成翡翠》截圖
《星光匯聚成翡翠》截圖
《星光匯聚成翡翠》截圖
《星光匯聚成翡翠》截圖
《星光匯聚成翡翠》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!