TVB落選港姐疑搲著數事後走數 林柏希發文提醒同業 網民:恭喜你出位成功

TVB落選港姐疑搲著數事後走數 林柏希發文提醒同業 網民:恭喜你核突出位成功
TVB落選港姐疑搲著數事後走數 林柏希發文提醒同業 網民:恭喜你核突出位成功

前新城DJ林柏希(Will)離職後轉投飲食界公關總監,日前爲灣仔一間餐廳作公關宣傳,但佢就喺社交平台炮轟某屆「香港小姐十強」、現職無綫嘅女藝員主動搲著數,免費試食兩位用下午茶後無兌現承諾登出帖文宣傳,林柏希指:「可以話用一個Tea Set嘅價錢已經睇到佢嘅品行。」而呢位「香港小姐十強」疑似就係2020年落選港姐黃婉恩,亦係無綫娛樂新聞報道主播、《港生活•港享受》主持。

林柏希分享,該名「香港小姐十強」早前主動喺IG發訊息畀餐廳,指自己有興趣試食下午茶:「講真,我完全唔知佢乜水,見佢都有三萬幾 followers,就諗住互惠互利啦。我請你食無問題,叫佢之後出返個IG wall post囉,我講明唔係齋IG story,係wall post」。不過,呢位「香港小姐十強」事後就只有於IG Story分享當日照片,仲只係得背面,完全無影到餐廳嘅下午茶。事隔逾一星期,林柏希同事WhatsApp嗰位「香港小姐十強」追post,對方並無回覆,僅於當晚出咗一個IG wall post,照片係佢自己喺餐廳影嘅大頭照,雖然有標記餐廳名字,但枱上嘅下午茶完全糢糊。翌日,林柏希同事想將該IG帖文截圖作媒體剪報時,卻發現對方已刪走帖文;林柏希指下午茶只係五百零蚊:「一個tea set值幾錢吖?原來你個朵就係值咁多㗎咋?哈哈!仲有,真係唔係我迫你出post㗎,係你主動R跟住自己應承咋,原來你嘅誠信只係值一晚。」仲寫道:「唔好再用呢啲招數去其他餐廳呃飲呃食啦。」

事件廣傳後,網民指該名「香港小姐十強」疑似係黃婉恩,黃婉恩IG亦喺7日前(10日)發佈下午茶照片,大量網民留言指責黃婉恩搲著數,仲笑指佢呃到餐食之餘仲呃埋名氣:「因為世上無免費嘅午餐,所以轉攻下午茶?」、「呢個世界Cheap人真係多,$500個set都要靠呃」、「tea set KOL」、「原本我都唔知你係乜水嘅,家陣知啦~原來你值大拿拿五嚿水嘅~抵呀!!」、「其實真係你唔搲個tea set都真係唔知你乜水,恭喜你出位成功~核突嗰隻」等等。對於事主係咪黃婉恩,林柏希就無回應,表示發文只想提醒同業,唔係要公審對方,亦希望該名「香港小姐十強」以後好好地做人做事。

黃婉恩
黃婉恩
林柏希William
林柏希William
黃婉恩
黃婉恩
黃婉恩
黃婉恩
黃婉恩
黃婉恩
黃婉恩
黃婉恩

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!