TVB近十年最低收視黃金時段自家劇 呢位視后有3套上榜

TVB劇《刑偵日記》以收視每周下跌嘅慘況之下播完,未計星期一晚大結局,前5周平均直播收視只有13.8點,上星期仲只係得10.2點,以一至五黃金時段推出的劇集計算,唔止係暫時年度最低收視,甚至打破《蘭花劫》平均18點嘅歷年紀錄!最近十年大台嘅墊底劇仲有呢啲︰

2020 - 丫鬟大聯盟(綜合收視︰20.4點)

TVB近十年最低收視黃金時段自家劇 呢位視后有3套上榜
TVB近十年最低收視黃金時段自家劇 呢位視后有3套上榜

因為女主角黃心穎嘅「安心事件」,《丫》拍完一年半先被安排跨年炮灰檔出街,低收視都好合理。

2019 - 她她她的少女時代(綜合收視︰21點)

TVB近十年最低收視黃金時段自家劇 呢位視后有3套上榜
TVB近十年最低收視黃金時段自家劇 呢位視后有3套上榜

暑假檔期加上以八九十後流行曲貫穿,本來可以好殺食,但係遇著社會運動最風風火火之時,又點會有心情睇劇?

2018 - 天命(綜合收視︰21點)

TVB近十年最低收視黃金時段自家劇 呢位視后有3套上榜
TVB近十年最低收視黃金時段自家劇 呢位視后有3套上榜

近年內地古裝宮廷劇越拍越好,大台自家製古裝劇相對欠吸引力,男主角譚俊彥又係首次擔正,觀眾冇咩興趣。

2017 - 蘭花劫(平均收視:18點)

TVB近十年最低收視黃金時段自家劇 呢位視后有3套上榜
TVB近十年最低收視黃金時段自家劇 呢位視后有3套上榜

死因?拍完10年先播,用高清電視睇標清畫面,唔仆先奇!

2016 - 來自喵喵星的你(平均收視:21點)

TVB近十年最低收視黃金時段自家劇 呢位視后有3套上榜
TVB近十年最低收視黃金時段自家劇 呢位視后有3套上榜

第三套田蕊妮主演嘅墊底劇,觀眾唔buy阿田扮cute,加上題材唔吸引,視后都冇面俾。

2015 - 實習天使(平均收視:22點)

TVB近十年最低收視黃金時段自家劇 呢位視后有3套上榜
TVB近十年最低收視黃金時段自家劇 呢位視后有3套上榜

醫護劇向來收視唔曳,但係《實》嘅男女主角岑麗香同洪永城當時仲算新,卡士冇咩叫座力。

2014 - 點金勝手(平均收視:23點)

TVB近十年最低收視黃金時段自家劇 呢位視后有3套上榜
TVB近十年最低收視黃金時段自家劇 呢位視后有3套上榜

黃宗澤都有失手時,皆因劇情被網民大鬧「膠爆」兼涉嫌抄襲韓劇,有討論區當時搞「上半年最差劇集」投票,《點》大比數勝出。

2013 - 金枝慾孽貳(平均收視:21點)

TVB近十年最低收視黃金時段自家劇 呢位視后有3套上榜
TVB近十年最低收視黃金時段自家劇 呢位視后有3套上榜

《金枝慾孽》叫好叫座,時隔9年出街嘅續集劣評如潮,連發哥周潤發都話睇唔明,鄧萃雯因為投訴「飛紙仔」同監製戚其義、編劇周旭明同埋黃德斌爆發罵戰,好睇過套劇。

2012 - 心戰(平均收視:25點)

TVB近十年最低收視黃金時段自家劇 呢位視后有3套上榜
TVB近十年最低收視黃金時段自家劇 呢位視后有3套上榜

對上一年年尾嘅《天與地》被封為神劇,《天》監製戚其義+編劇周旭明嘅班底被大力吹捧,TVB於是年中推出《心戰》。《心》比《天與地》玩人性心魔橋段,劇情更複雜兼暗黑,家庭觀眾自然唔buy。

2011 -團圓 (平均收視:26點)

TVB近十年最低收視黃金時段自家劇 呢位視后有3套上榜
TVB近十年最低收視黃金時段自家劇 呢位視后有3套上榜

10年前大台劇衰極都有26點,而家有呢個點數已經開香檳。又係最常見嘅家族倫理爭產劇,有郭晉安陳錦鴻吳卓羲同徐子珊,講麵店爭產,你有冇印象?我就冇嘞。

註-綜合收視即係以翡翠台、myTV SUPER7日跨平台及及家外媒體總收視之紀錄(2018年7月9日起),2018年1月-7月8日收視只計前兩者﹐其餘年份只計算直播收視。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!