Twins相隔兩年在港「合體」 阿嬌激減30磅隨時Ready拍拖

組合Twins相隔超過兩年,再次在港「合體」!蔡卓妍(阿Sa)及鍾欣潼(阿嬌)今日(28日)以「白色閨密裝」到中環出席活動,二人狀態大勇,阿嬌更成功收身激減超過30磅,引來大批記者到場採訪,場面墟冚。

Twins相隔兩年在港「合體」。
Twins相隔兩年在港「合體」。

阿嬌近年在內地「落地生根」,因接了不少工作下月將再次北上的她坦言:「我想令自己安定啲,所以喺上面養咗兩隻貓,返去要照顧佢哋。(今次踏入香港機場感覺係點?)喺度認親認戚,見到圈中嘅前輩戴晒口罩,所以要估佢係邊個,嗰種感覺既熟悉又陌生。(驚唔驚太靚又過唔到關?)唔會囉,嗰次過太騎,係驚俾佢阻住轉機,好彩最後趕得切。」

阿嬌修身30磅隨時Ready拍拖。
阿嬌修身30磅隨時Ready拍拖。
Twins承認正在籌劃明年舉行演唱會。
Twins承認正在籌劃明年舉行演唱會。

談到花了半年時間回復苗條身形,阿Sa在旁打趣「係佢10年以來最巔峰狀態」,身為當事人的阿嬌開心表示:「依家係健康嘅,唔需要刻意去keep。(咪要換過晒啲衫?)呢樣每年都會換。(最辛苦係邊個階段?)咪就係身邊個個喺度食嘢囉,當時拍緊節目啲拍檔好似吳謹言同王心凌咁,不停喺度叫嘢食,佢哋食量好大,自己要好忍得。(係咪多咗追求者?)冇囉,呢樣嘢唔會留意唔到嘅。(已經做好心理準備接受新戀情? )可以嘅。」

問到阿Sa會否為阿嬌物色理想男友,她笑答:「有都介紹咗啦,剩返落嚟嘅就知事啦。(妳之前北上,點同男友維繫?)又OK喎,佢都想嚟探咗我一次。」阿嬌則踢爆二人日日視訊,認真sweet爆。阿Sa則透露:「下個月我都會再北上,但之後都唔會stay咁耐嘞,咪來來回回囉,依家隔離都係10日,濕濕碎啦。」

Twins我愛你。
Twins我愛你。
阿Sa透露下個月都會再北上。
阿Sa透露下個月都會再北上。

對於有傳明年舉行演唱會,她們承認正在籌劃中。至於會否邀請張致恒任嘉賓,阿Sa「嬲爆」回答:「佢都唔係我哋公司,唔講佢嘞。(係唔係同公司嘅都會爭住嚟,等你哋揀嘉賓?)咁大牌?又唔係我哋嘅風格,其實最大嘅煩惱係揀歌,驚唱唔晒經典歌,歌迷會𠝹櫈。」至於二人有份演出的內地節目《星星的約定》突然停播,她們表示:「唔係腰斬,而係想重新剪輯,好快會復播嘞。(唔係有份亮相嘅胡彥斌出事?)我哋冇聽聞,唔淸楚不過佢份人幾好。」