Unwire Space 創業 Tips:成與敗在乎你的故事夠不夠「 Juicy 」

以往有不少文章教大家求職的時候要為該公司「度身訂造」一份個人履歷,以表誠意,及展示自己的技能是合乎該職位的要求。原來除左個人層面要做呢樣嘢,自己創業的朋友都要為公司度個好聽的故仔!不過唔係一勞永逸架喎,係面對唔同的人、合作單位、投資者、傳媒等等,都要調整一下重點。而家就睇睇點樣講一個 Juicy 的故仔啦!

magic open book of fantasy stories
magic open book of fantasy stories

1.創業的原因

創業的風險比起打工大得多,因乜解究你有咁嘅諗法同決定?呢個答案除左用黎向自己交待,亦係用黎說服別人相信你間公司的基本資料,所以你個故仔一定要將呢個元素放入去呀!

詳見:要成功,最緊要「7」

s9
s9

2.開門見山、引起共鳴

我深信大家都知道網絡傳播的威力,如果你個故仔「夠 Juicy 夠爆」,就會容易啲變得 Viral,愈多人分享你的故仔就會一傳十、十傳百。而家的人因為多左好多選擇,好快就會「碌過」左你的故仔。要吸引到人睇,就要花少少心機:整靚啲圖、影像,而當中傳播的訊息更要簡單直接易明。看上去好像很容易,實際上有不少功夫要做的。

s8
s8

3.不要輕視你的故仔

如果你已經成功砌左隻「又 Juicy 又爆」的故仔,千祈唔好怕羞收埋佢,好多時大家都將呢個故仔收係網站入面個「About」個度,冇乜人睇到,嘥左啲腦汁。既然有個咁好的故仔,點解唔放出黎,俾大家都睇到呢?用你個故仔黎包裝產品又好,同客傾生意都好,多啲同人交流你地一路走來的經歷,可能仲更有說服力呢!

s6
s6

4.試下 work 唔 work

有冇聽過 A / B Test 呢?就係用黎對比兩個設定不同的訊息的傳播成效,而家多左好多軟件可以做到呢方面的測試,不要再推說無時間、無錢、無人手了!

除此之外,你亦都應該試下面對面同真人講下你個故仔,睇下佢地個反應。如果佢地一啲都唔感興趣,或許是時候要改一改你個故仔的編排、或者表達方式喇。

s7
s7

5.了解聽故仔的對象

就好似寫 CV 咁,間間公司的要求都有唔同,如果你真係有志去做,你都會寫返多啲相關的內容入去啦,更何況你係要 pitch 人地?正所謂「見人講人話,見鬼講鬼話」,pitch 唔同的對象要用唔同的角度,「一本通書讀到老」唔 work 架,只會顯出你冇好好準備,睇睇唔同的對象有咩要特別注意啦:

顧客:點解要買你的產品或服務?你有甚麼是與別不同的?有什麼好處?你能幫他們解決問題嗎?

投資者:你在解決什麼問題?市場有多大?你有甚麼是與別不同的?你的團隊有能力做到嗎?

求職者:你公司係咪同佢地的期望相乎?有咩機會俾佢地?點解要請人?

輿論領袖 / 傳媒人:最好故事性重,令人容易理解你的業務。與現在的社會情況是否有關係?業務有什麼特別?

面對唔同的人,就要 feed 佢地唔同的內容,所以每次講故仔之前要改一改重點喇!

來源:Entrepreneur

甚麼是 unwire.space ?

unwire.hk 作為生活科技網站,一直有報道科技生活之餘,亦有採訪科技創新企業,試透過我們的綿力推動一下香港創業文化的發展,因此推出類似現時流行的 co-working space 概念工作間 – UNWIRE Space。就在我們位於觀塘區的編輯室旁方便我們採訪報導,Co-working space 結合新媒體宣傳力就是我們與眾不同的 unwire.space 了

<詳情請按此>


• 不想錯過新科技 ? 請 Follow unwire.hk FB 專頁 http://facebook.com/unwirehk/

The post Unwire Space 創業 Tips:成與敗在乎你的故事夠不夠「 Juicy 」 appeared first on UNWIRE.HK 流動科技生活.