ViuTV《肥美人》招BMI達25以上參加者 未播先惹爭議 盧覓雪:感覺被冒犯

·2 分鐘文章
盧覓雪
盧覓雪

ViuTV過往舉辦過唔少另類選美真人騷,例如《造美人》及《口罩小姐》等都深受歡迎,日前ViuTV喺社交網站公開招募《肥美人》參賽者,而其中一個參加嘅條件就係BMI(Body Mass Index)要達到25以上,結果引起網民熱議。一班網民更推薦鄭欣宜、盧覓雪、林二汶及Serrini等人擔任隊長,及提議搵花姐做教官。

日前二汶接受傳媒訪問時就話:「如果大家真的認同我是肥美人也沒所謂,如果用得着我,又認同我是美人當然會做。」不過盧覓雪就對節目非常唔認同,佢喺接受傳媒訪問時話自己完全冇興趣,佢認為靚就係靚,點解要分高矮肥瘦,係一種公然嘅歧視,甚至覺得有被冒犯嘅感覺。另外,雪雪仲話才華同charm與肥瘦無關。欣宜同Serrini靚又有才華,不過因為佢哋肥,所以就要被歸類去呢個類別。而Adele原本係一個肥妹,但而家減磅成功,所以雪雪認為唔可以咁樣去衡量。又好似渡邊直美咁,唔理佢嘅磅數,佢都係一個靚、有才華又好charm嘅藝人,所以佢覺得《肥美人》係一個過份嘩眾取寵嘅節目。

之後傳媒亦有聯絡《肥美人》編審Leo及監製Ricky,Leo就表示非常重視盧覓雪嘅睇法,所以佢哋做節目時會小心啲,另外亦有提到BMI要達到25以上先有資格參加,Leo就話根據國際標準BMI達到25以上就算肥胖,所以佢哋先用呢個做標準。而監製Ricky就話如果有睇過《造美人》就會知道佢哋個心係點,同埋佢哋點樣去支持某個範疇嘅人,希望透過過程令人另眼相看。而《肥美人》嘅方向都係一樣,睇下大家可唔可以對參加者另眼相看。

盧覓雪
盧覓雪
盧覓雪
盧覓雪
盧覓雪
盧覓雪

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能