ViuTV有意捧「浩南」鄭伊琪做主持一姐？ 網民反應兩極

ViuTV過往舉辦過唔少另類選美真人騷，例如《造美人》及《最後一屆口罩小姐選舉》等都大受歡迎，而最新選美節目《肥美人》亦喺星期一（11日）開始播出，同樣引起網民熱烈討論。喺幾個選美真人騷後，唔少參賽者加入ViuTV做藝員，當中包括「浩南」鄭伊琪（Wayii），曝光率甚高嘅佢最近有指ViuTV有意打造佢成為主持一姐。

「浩南」鄭伊琪係《最後一屆口罩小姐選舉》嘅雙料冠軍，由模特兒加入ViuTV做藝員，浩南除咗同亞軍「阿姨」（徐蒨寧）及季軍「細細粒」寶欣（馮寶欣）成為《囝囝女女730》嘅主持之外，佢亦主持唔少綜藝節目，例如《晚吹- 戀講嘢》、《神的女主角》及《玩X爆香港地》等等，最近佢仲成為《肥美人》14位評判之一，演出機會不少。

有指ViuTV有意打造浩南成為主持一姐，不過網民反應就兩極，有人認為「睇佢主持好老尷 又口齒唔太清晰 冇咩氣質 感覺好mk」、「其他節目主持好冷淡無乜興趣咁」、「好廢… 英文都唔識 又真係做唔到主持 個鬼佬其實係鬧得岩」及「不過同意呢個浩南爭啲，搞笑又未到，認真野佢又唔夠料講」等等。不過都有網民認為佢幾好同有潛質，留言話：「佢做節目主持好過viu好多人」、「況且佢初做主持，都叫不過不失，好過經驗多過佢嘅alina添」、「又唔覺有力捧，但做主持算幾好，睇得舒服。」、「浩南正到！你去TVB睇汪明荃」、「覺得佢主持幾好 緊係靚女啦」及「幾鐘意佢 主持越做越好」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！