ViuTV︳魯庭暉調任新公司管理MIRROR 廣告人鍾廣德接任ViuTV總經理

·1 分鐘文章
魯庭暉
魯庭暉

ViuTV出現人事變動!近年一手捧紅男團MIRROR兼且令ViuTV轉虧為盈嘅魯庭暉,將會出任母公司電盈旗下新公司Makerville嘅CEO,至於ViuTV總經理一職,就由資深廣告人鍾廣德(Clement)出任,即時生效。

外界普遍認為今次係ViuTV「變天」,但早前電盈已經公布過,擔任ViuTV董事總經理嘅魯庭暉,會兼顧新公司「揸fit人」位置,相信今次只係搵到正式接任人,將魯生原本管理ViuTV嘅工作交俾Clement。

ViuTV開台就出任總經理嘅魯生,被調任嘅新公司Makerville以藝人管理為主,畢竟旗下團體MIRROR、ERROR、COLLAR以及Viu一班藝人近年工作多多,需要專門打點。此外Makerville亦會處理演唱會、電影、舞台演出製作等,又會參與ViuTV嘅節目創作,當然係搵度橋出身嘅魯生揸旗。

ViuTV︳魯庭暉調任新公司管理MIRROR 廣告人鍾廣德接任ViuTV總經理
ViuTV︳魯庭暉調任新公司管理MIRROR 廣告人鍾廣德接任ViuTV總經理

至於接手睇住ViuTV嘅鍾廣德,同魯生一樣有廣告界背景,曾經出任廣告公司香港區CEO,入行超過20年。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能