ViuTV 推查案綜藝《嫌疑事件簿》TVB同日同時段同類型節目擺明硬撼

ViuTV 推查案綜藝《嫌疑事件簿》TVB同日同時段同類型節目擺明硬撼
ViuTV 推查案綜藝《嫌疑事件簿》TVB同日同時段同類型節目擺明硬撼

電視台綜藝大戰新一回合即將開打!下星期一ViuTV推出查案綜藝節目《嫌疑事件簿》,形式類似亞洲多地製作過嘅推理真人show,喺場景搵線索從而找出兇手、炸彈、死因等。然而TVB亦安排喺同一時段推出同類型節目《死因有可疑》,擺明硬撼!

ViuTV嘅《嫌疑事件簿》將於下周一起(6/14),一至五晚10點半推出。TVB嘅《死因有可疑》亦安排同日起一至五10點半綜藝檔出街,到時觀眾除非睇港台電視、香港開電視或者英文台,否則同時段只有同類節目睇。

ViuTV 推查案綜藝《嫌疑事件簿》TVB同日同時段同類型節目擺明硬撼
ViuTV 推查案綜藝《嫌疑事件簿》TVB同日同時段同類型節目擺明硬撼

據知《嫌疑事件簿》早前已經完成錄影,主持人有張建聲、談善言、陳凱詠(Jace)、鄧麗英及歐鎮灝(George)。而《死因有可疑》就喺5月底開工拍攝,拍完得唔夠2星期就要完成後期剪接,至於主持班底包括方力申、郭子豪、張秀文和游嘉欣。究竟TVB係咪收到風Viu製作呢類節目,於是照辦煮碗,借慣性收視KO對手?呢單懸案不如搵班主持偵查一下!

查實TVB近期已經變陣應付Viu,好似將串流平台節目、方力申同Donald主持嘅《鬼上你架車》安排喺J2播放,時段對正Viu焦點節目《調教你MIRROR》。TVB副總經理曾志偉就強調唔係擺明對打,只係時段上J2可以完整播放,而方力申亦話唔係第一次將節目調到免費台播放。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!