ViuTV全新男子組合誕生 隊名「Mirror」由姜濤做隊長?

image

近年選拔真人騷節目當道,所以ViuTV都唔輸蝕舉辦咗個全新選秀節目《Good Night Show 全民造星》,獲得唔少觀眾支持,最終由大熱嘅姜濤勝出。除咗19歲嘅姜濤好受歡迎之外,唔少仔仔都被睇好。ViuTV乘勝追擊順勢組新男團,並喺後日(3日)12點正舉行發佈會宣布出道。有傳ViuTV有意搵十強組成男團,由冠軍姜濤成為隊長,男團名稱仲落實叫「Mirror」。

image

除咗姜濤之外,隊員仲會有亞軍陳卓賢(Ian)、季軍楊樂文(Lokman)、梁業(肥仔)、江熚生(Anson Kong)、邱士縉(Stanley)及呂爵安(Edan)。咁其餘三位(龍志權、應智越(細貓)及李駿杰(Jeremy)呢?佢哋三位將唔會入團,因為龍志權會回歸毛記電視擔任主持同偽員,而細貓同Jeremy就因為要到韓國受訓同有經理人合約在身。

image

咁少咗三位成員又會有邊位頂上呢?據講指ViuTV決定要加人數由10人變12人,所以蔡港評(小評)同盧瀚霆(Anson Lo)、曾贊學(阿神)、何啟華(DeeGor Ho)同埋陳瑞輝(Frankie)將會入團。

而今次男團名之所以叫Mirror,係因為呢一班成員就好似每個人嘅鏡,意思係指大家想達到自己目標而為夢想而努力。而且佢哋喺比賽中克服重重困難,都可以話係集中心思致力去完成一件事。大部份團員都覺得團名「Mirror」好襯做隊長角色嘅姜濤。點解?就係因為係人都知姜濤最鍾意照鏡,而且唔單止剩係照鏡,係佢唔會錯過所有反光嘅物件佢都會用嚟左照右照,所以大家都講笑話現實中嘅姜濤係絕對唔可以冇左Mirror。

大家有睇唔睇好呢對新組合呢?

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能