【ViuTV吐氣揚眉】冇得播世界盃賽事 無綫劇集收視跳樓式下跌

image

2018年俄羅斯世界盃已經喺6月14日開始舉行,今屆由Now TV 及 ViuTV獨家播放,有19場賽事仲喺ViuTV免費播放 。無綫對於世界盃直播完全無驚過,一於hea爆迎戰,除咗平日播返三線劇外,周日播放節目《爸爸的告白》及《深夜美食團》去迎戰世界盃。

image

有消息指ViuTV收視屢創佳績,德國對墨西哥(6月17日)當晚最高收視率達到16.1點(約105萬人次收睇),而平均亦有14.2點(約92萬人次收睇)。網上平台都唔差,串流收看量都有28萬人次觀看。而無綫當晚收視大跌,《深夜美食團》由原來平均9點(約58萬人次收睇)跌到得5點(約32萬人次收睇),《晚間新聞》由平均8點(約52萬人次收睇)跌到4點(約26萬人次收睇),全部都大跌。

image
image

而冷門少少嘅瑞典同韓國(6月18日)就喺黃金時間開始,平均收視有10.2點(約66萬人次收睇),最高有14點(約92萬人次收睇)。而當晚無綫三線劇收視更跳樓式下跌。《愛.回家之開心速遞》平均收視大跌7.4點(約48萬人次收睇),只有14.5點(約95萬人次收睇)。《宮心計2深宮計》就跌咗6.6點(約43萬人次收睇),平均只有16.6點(約109萬人次收睇)。《飛虎之潛行極戰》亦跌咗3點(約20萬人次收睇),平均收視17.7點(約116萬人次收睇)。

image
image

而家分組賽已經跌到咁,嚟緊仲會有準決賽及決賽等賽事,如果無綫唔想繼續跌嘅話,睇嚟真係要諗吓計仔喇!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能