「ViuTV個乞兒呢…」 古天樂親解爆seed之謎

原來古天樂口中的「乞兒」是指友人所演的角色。

【星島日報報道】壽星仔古天樂今晚出席意大利時尚品牌FENDI的廣東道旗艦店開幕禮,生日撞正八號風球兼要開工,古仔表示第一年打風過生日,特別有意義。談到昨晚慶祝生日很盡興,他說:「係,好盡興。(high high哋?)有少少,收到祝福。(大家催你結婚。)係卦。(叫你搵個古太。)佢哋搵古巨基太太。(你個古太呢?)咁啦…(自己心急嗎?)佢哋講笑冇催我。」 提到昨晚他在Facebook live上突然爆出一句「我希望阿ViuTV個乞兒呢…」,他解釋表示有個圈外朋友被邀請客串ViuTV節目一個角色,朋友因沒時間而推卻,但電視台仍連番遷就,古仔問好友演甚麼角色,好友說是飾演乞兒,所以他笑着祝對方飛黃騰達,憑這角色上位,由於對方是圈外人而沒開名,所以乞兒是指朋友所演的角色。 問他怕不怕有人誤會?古仔即說:「昨晚講咗都即刻唉…(怕ViuTV老闆不高興?)係呀。(需要澄清?)依家澄清緊。」古仔嚴肅表示言語上要講聲不好意思,希望大家不要誤會,再强調只是說朋友扮演的角色是乞兒。問到古仔日後會否不再玩直播?他說:「佢哋話唔好失手勢,不過下次都係唔好直播喇,飲得開心得滯又唔知講乜。」古仔於活動後趕去與家人食飯慶祝生日,願望是身體健康。

睇更多