【X個就夠晒數】究竟生幾多個先叫完美?

撰文:茄莉姨姨

【親子王國分享】相信大家都聽過「養兒一百歲、長憂九十九」,生B絕對唔係一個剎那間嘅動作,而係一個一生一世嘅責任嚟!十幾年前嘅廣告都話,養大一個小朋友要四百萬,養多一個並唔係多雙筷咁簡單!啱啱結咗婚嘅姐妹們,有無諗過自己生幾多個?

正所謂針無兩頭利,好多JM都有講低佢哋點解生一個、兩個或者三個嘅原因,大家可以參考吓:



生一個就算:

可以將最好既資源俾晒佢,唔使分薄!湊一個小朋友已經勞心勞力,錢、心力、時間、精神缺一不可,如果再生多一個,更加無晒私人時間,好易無咗自己。

無兄弟姐妹嘅小朋友,得閒同吓表兄弟姊妹玩就唔會悶,有JM話頂唔順生2個以上,在家日日嘈爭野玩,又玩投訴呢啲生活。

生兩個或以上:

適合鐘意家庭樂、熱鬧、同好多小朋友一齊玩嘅夫婦!有JM覺得,始終小朋友之間玩,係唔同小朋友同大人玩。小朋友之間係天真好多,講嘅嘢做嘅嘢係意想不到。大人始終有固定幾十年嘅框框,比較悶。

小朋友有個伴喺屋企,始終都無咁悶。有JM生咗兩個小朋友,佢哋好friend,由朝一齊玩到晚,佢哋有佢哋玩,JM同老公有佢哋坐,反而樂得清閒添。

如果生三個小朋友的話,喺屋企已經係PLAYGROUP,仲可以慳返一筆錢添(笑)。

不過生仔呢家嘢,始終都要量力而為。除咗兩公婆要有共識之外,都要衡量返自己嘅經濟能力先得啊!

即上討論區一齊傾


即睇下一篇:【兒歌好處多】揀咩歌畀仔女聽?SEN小朋友點樣專心聽歌?創作人:聽母語最好!

你可能還想看