YAHOO娛樂圈收視報告︳上周10篇最多人睇娛聞 TVB相關佔7條 MIRROR得一篇？！

平時成日分析大台收視報告, 就等我地YAHOO娛樂圈都公布每周嘅娛聞收視十大，睇吓邊個藝人嘅新聞多人關注，反映佢地嘅人氣程度！MIRROR風頭一時無兩，但係喺YAHOO，最多人睇嘅10篇娛聞當中，居然只佔一條！反觀一批聲夢學員嘅消息都有唔少人有興趣，似乎ViuTV要留意吓喎。

第10位 － 【聲夢演唱會】炎明熹粉絲排隊上前獻花 網民嚇親：農曆七月搵啲咁嘅嘢玩

第9位 － 曾志偉王祖藍埋位 TVB上半年蝕少9百萬 業績報告稱《聲夢傳奇》「全城矚目」會有第2季

第8位 － MIRROR再次全員出活動 星期四晚鏡粉勢包圍海港城

第7位－小鮮肉攬腰枕胸 楊冪D奶慰藉西裝男 當街激磨

第6位－萬梓良唔戴罩過關返港 疑被工作人員阻止拍攝

第5位－爭女新版本︱潘梓鋒疑暗撻《3日2夜》索女怒打「賈明昇」

第4位－識咗5年唔行動！陳瀅落閘方力申冇希望

第3位 － JW唱主題曲︱金城安回歸《愛回家》 仲有新角色？

比起兩線黃金時段劇集，《愛·回家之開心速遞》收視更高而且走勢平穩，可以話係真正TVB劇王。所以關於呢套劇嘅新聞都會多人關注，亦都睇到唔少觀眾想知飾演金城安嘅周嘉洛，會唔會拍完古裝劇《痞子殿下》之後會重返劇組。似乎TVB冇捧錯人！

第2位 － 《愛·回家之開心速遞》張明偉宣布離開劇組：有緣再見

see？都係《愛．回家》演員嘅新聞！張明偉喺劇中戲份唔算重，都有咁多人關注，日後有咩發展都應該唔成問題嘅。

第1位 － 姚焯菲轉眼開學 國際學校官網都晒佢張相

《聲夢傳奇》嘅學員難免會被人拎嚟同Viu《全民造星》嘅參加者比較，現階段「聲夢幫」人氣梗係比唔上MIRROR，但係當3場演唱會都賣晒飛，而姚焯菲嘅新聞更成為全星期最多人睇嘅文章，TVB「入屋」優勢可能喺日後幫到呢班年青人迎頭趕上。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！