【大茶飯】尋找下一隻阿里影業(青冰)

用神股來形容阿里影業(1060),相信唔會有人反對。不是嗎?舊年初宣佈獲阿里巴巴相中,兼入主成為大股東,股價平地一聲雷。正當大家搶住吃大茶飯之際,原來係惡夢嘅開始︰科網股極速回氣,阿里影業亦難敵地心吸力,由高位計一度回落超過六成。經過近一年嘅煎熬,呢批大閘蟹從出爐影后趙薇手中解放,趙薇同老公黃有龍豪擲30億銀入股阿里影業,成為第二大股東,喺名人效應下,阿里影業再踏升途,短短三個月炒高兩倍。

一個紅人加一個紅星,成就呢個股市傳奇。芸芸上市公司中,有邊一間可以將故事複製,青冰認為,漢傳媒(491)係其中一個大熱。講紅星,大股東謝霆鋒名氣,絕不遜於趙薇;講紅人,謝霆鋒嘅伯樂、英皇系揸fit人楊受成,近年可謂紅爆股場,英皇國際(163)及英皇鐘錶珠寶(887),完全食正自由行大浪;英皇證券(717)亦係滬港通下嘅當紅炸子雞;至於新傳媒(708)賣盤畀許家印,更加係技驚四座,呢個師徒合作,值得令人期待。

睇番漢傳媒,謝霆鋒入股後一度高見0.89元,而家?只係0.78元,大時代下竟然未升過,值博率有幾高?唔使畫公仔畫出腸啦!

chingbing888@gmail.com