中二援交男周身名牌 同窗艷羨警「急救」

(綜合報道)(星島日報報道)去年有逾四千名二十歲以下人士犯罪被捕，有中二男生為搵快錢下海做援交男，聲稱只陪「食飯睇戲」，即變周身名牌，甚至引來同學羨慕事主能不勞而獲，校方見事態嚴重，即通知當區警察學校聯絡主任會見該批學生，糾正他們價值觀。學校聯絡主任亦會透過家校合作，辨識學生一些偏差行為，如與同學有推撞、「蝦蝦霸霸」等，盡早糾正及避免誘發罪行。 二○一五年十歲至二十歲犯罪被捕人數達四千一百三十五人，主要涉傷人、嚴重毆打、嚴重毒品、雜項及店鋪盜竊等罪行。 援交是校園常見問題之一，沙田警區學校聯絡主任陳達怡透露，現時援交學生以個體戶在網上討論區「兜客」，發帖形容自己外貌、「等錢使」原因，過程獨立，不牽涉集團式經營，「完全唔使蝕佣，好professional(專業)」。大嶼山警區學校聯絡主任楊珮珊表示，曾有失蹤少女貪玩，經常跨區與朋輩玩樂，「由夜返變到完全唔返屋企」，至花光零用錢後，選擇出賣自己身體賺錢。 曾有一名十四歲中二男生在朋輩介紹下做援交，直至被老師發現突然身上多了新款iPhone、名牌衣物，轉介社工才揭發事件。該男生事後指曾與其他男士進行兩次援交，惟堅稱是「食飯睇戲」，不涉性交易。他經輔導後沒有再做援交，但援交風氣卻蔓延至同級學生，「其他同學見到食餐飯就有錢賺，都好有興趣。」 校方即聯絡當區的學校聯絡主任到校，與該批學生進行小組面談。陳達怡強調，「要令未做嘅學生知道有咩後果要承擔，唔係食飯咁簡單，可能會失去生命、價值觀。」 楊珮珊直言，青年人許多時以「玩吓啫」做「免死金牌」，有學生「整蠱」同學故意收藏其財物，或同學間爭拗時有推撞，未有考慮後果，若不及早提醒，日後行為或提升層次，觸犯法如盜竊傷人等。 「踩鋼綫」行為亦見於校園欺凌，楊指現時除了網上公開欺凌，在同一班內，亦有學生會開設WhatsApp群組取笑某個同學，「佢哋唔知道咁樣有機會逼死同學。」 除了「蝦蝦霸霸」，有學生甚至自稱黑社會成員，誤認「跟大佬好威」。陳說，「有時學生只係聽人講，就以為自己跟咗(大佬)。」一旦發現有黑社會滲入校園的迹象，學校聯絡主任會轉介反黑組跟進，亦會通知學校做好把關工作，「返學、放學時老師企喺學校大門留意有無可疑人物。」 警察學校聯絡計畫定期進行校園講座，向學生講解防罪訊息及匪徒最新犯罪手法，並與學校、家長等聯繫，教導辨別學生偏差行為，盡早發現及撲滅校園罪行。