雅虎香港新聞 
仙氣逼人 華姐大熱林宣妤起底
國際大型選美盛事《2017國際中華小姐競選》將於本月15日（星期日）晚上舉行，除了留意香港代表馮盈盈(Crystal)外，來自吉隆坡的5號佳麗 林宣妤 (Serene) 亦被視作大熱人選！Serene的標緻樣貌及甜美笑容叫人眼前一亮，舉止大方得體，相信會成為Crystal的最大競爭對手之一！呢位吉隆坡美人亮相後，隨即成為香港網民爭相搜尋的對象，小編依同大家一齊睇睇佢係何方神聖！
圖片來源︰Facebook、Instagram
16位華姐佳麗上星期首度會見傳媒，港姐冠軍Crystal穿上低胸背心裙大晒事業線，加埋甜美靚樣非常搶鏡！但其他佳麗亦不容忽視，其中來自吉隆坡的Serene同樣出眾，典型美女的大眼睛、白裏透紅的肌膚加上一把飄逸長曲髮，身材修長的她儀態萬千，即時謀殺大量菲林！
Serene今年只有20歲，正在大學修讀Food Science，另亦有擔任主持、代言及封面女郎等工作。Serene早前於Astro國際華裔小姐競選2016奪得冠軍、最上鏡小姐、全民女神三大奬項，如今再參加華姐，相信其知名度在華人地區將大大提高！
有網民話Serene似Angelababy，又有人話佢似民選女神朱千雪，而小編就覺得同韓國氣質女神宋智孝有幾分相似。似邊個就見仁見智啦，重點係似親都係靚女！
網上對Serene的評論可算是一面倒的讚好，有人大讚佢「靚到發光」，亦有留言話望到Serene有初戀的感覺！
Serene之前同過香港藝人羅仲謙拍廣告，仲大讚對方靚仔！
不過Serene的生活照中，經常會見到一位名叫Norman的男士，兩人不時結伴出席朋友聚會，舉止親暱，女神似乎已名花有主！小編出番去做嘢先啦……
另外睇番Serene幾年前的照片，雖然當時仍帶有幾分稚氣，不過已經係仙氣十足，天生麗質難自棄！
全文完
延伸閱讀：
