雅虎香港新聞 
代女出頭？ 揭陳冠希爆粗鬧林志玲之謎
陳冠希(Edison)與林志玲(Chiling)，一個係香港地潮人，一個係台灣第一名模，看似風馬牛不相及，印象中兩人都未有合作過。不過Edison言行一向出位，所以佢喺網上做啲咩都不足為奇。佢昨晚就突然喺微博上載Chiling張相，然後用英文爆粗辱罵對方一番！網民都睇到O晒嘴，究竟發生咩事？
續下頁
延伸閱讀︰
《一屋老友記》燦燦向大寶表白
被雙親遺棄 張頴康眼濕濕講孤苦童年
就喺昨晚九點幾，Edison突然喺微博上載一張Chilng的相片，然後留言破口大罵！佢先話Chilng係八婆，然後話對方好醜樣，仲有聞起來好像糞便；之後又話Chiling唔係真正的演員及超模，更暗示對方曾進行過不道德交易！
未幾，Edison就將辱罵Chiling個post刪除，改出另一個︰「我為什麼要罵她？她知道的，我早就警告她了。你們問一問她吧！謝謝你的合作！你可以說我錯，不過我覺得他(她)比較錯吧！」 夜啲又再話「到最後，真相會出現的」但其實Edison同Chiling從未合作過，究竟有咩深仇大恨要鬧到咁？大家都睇到一頭霧水。
由於兩人看似沒甚關係，所以網民紛紛猜測Edsion鬧Chiling的原因，都有唔少版本…
有指Chiling早前跟Edison女友秦舒培的閨密、內地模特兒何穗一齊上綜藝節目《我的新衣》，期間何穗態度傲慢耍大牌，與親切的Chiling形成強烈對比，導致何穗被排擠。後來何穗向秦舒培大吐苦水，所以Edsion今次係代何穗出頭。
呢位就係何穗。
又有另一說法指，Chiling喺朋友圈中講秦舒培壞話，而且仲應富豪要求將秦舒培介紹俾對方，於是Edison霸氣護愛！
最後亦有講法指秦舒培本來會與Chiling一齊主持節目，但由於秦舒培口才唔夠流利，而且兩人的形象相似，所以最後決定撤換秦舒培！於是秦舒培將呢啲新仇舊恨通通算在Chiling身上，然後由Edsion發炮！
Chiling無故被罵後通過助理回應道︰「完全不認識他，也不知道發生什麼事，這幾個禮拜每天都在工作，沒接洽也不認識。」到底事實係點，一於睇吓係咪會好似Edison所言︰「In the end all truths reveal themselves.」
