有一種關係，叫「友達以上，戀人未滿」︰雖然係朋友，但關係卻比朋友更親密；但如果話係戀人，又因為種種原因未能踏出一步，不過大家心裏都有已經超越朋友的感覺。就好似《一屋老友記》中大寶(歐陽震華飾)同朱燦燦(胡定欣飾)咁樣，兩人關係早已超越一般朋友，不過又從未肯踏出多一步；直至昨晚一集，燦燦終於要面對內心對大寶的感覺… 到底有情人能否終成眷屬？

延伸閱讀︰

《一屋老友記》大寶反對賣屋

Pokémon Go 香港最強地圖攻略

下頁續

友達以上 戀人未滿

劇集中可見，大寶同燦燦呢對朋友幾乎係無所不談，分享樂事之餘，也會分擔彼此失意之事。朋友、戀人間都係貴乎信任和坦誠，其實一切一切都係源於信任，先會令一個人願意將脆弱的一面呈現在你面前。

好似大寶同燦燦平時friend過打band，經常會拿對方開玩笑，攬頭攬頸又打壯肚腩。雖然唔少人以為佢哋係一對，不過每次佢哋都係尷尬地否認。說到底，雙方都總有一對遲遲未敢伸出的手，又或者一句遲遲未敢說出的告白。因為大家心裏都害怕，說出口後一切都會變了，大家的關係從此不一樣，好朋友就此失去。

下頁續

再下去 只好只做朋友

本來大寶同燦燦一齊返小食店，不過怪獸(張達倫飾) 突然約燦燦去沙灘睇流星雨，令燦燦猶豫咗一會。大寶心知燦燦視怪獸為偶像，希望佢哋可以好好發展，所以即時鼓勵燦燦去搵對方！

睇到呢度，有個好老套的說法即時浮現喺小編腦海，人們經常話如果你真係鍾意一個人，你就應該希望佢得到幸福，希望佢搵到個令佢幸福的人… 即使嗰個人唔係自己。大寶雖然心裏不是味兒，不過依然叫燦燦唔使理自己… Bobby呢個內心正在交戰的表情實在令人痛心！

下頁續

為什麼你在意誰陪我逛街
為什麼你擔心誰對我放電

大寶又點會唔介意燦燦同怪獸去沙灘，不過怪獸係燦燦兒時的偶像，而怪獸與燦燦相處亦被其真性情深深吸引住，所以大寶先想成人之美。當燦燦見到流星突然飛過，即刻合埋雙眼牽許願望，怪獸情不自禁望到對方實一實，之後仲忍唔住想錫落去！

可惜事與願違，怪獸準備錫落去嗰刻燦燦就張開咗眼，即刻推開佢。之後氣氛極尷尬，燦燦仲一枝箭跑咗去！

下頁續

為什麼我難過 只肯讓你安慰

燦燦離開沙灘後邊度都冇去，第一時間就係諗起大寶，於是仆倒咁跑去小食店搵佢。誰不知大寶已經離去，燦燦即時勁失落。不過大寶其實勁有佢心，特地熱住一碟腸粉留俾燦燦！

我們心裏面 明明都有感覺

正所謂「能成為密友大概帶着愛」，燦燦食大寶腸粉時不禁百感交集，反思自己同大寶的關係。其實當兩個人夾到可以理所當然地將個心交出嚟的時候，兩人的距離自然愈靠愈近，不知不覺已將對方放在心中深處… 或者兩個人可以一個更好的將來？

下頁續

不過三個字 別猶豫這麼久

本以為自己唔會心動，但當見到對方向你愈靠愈近時，難免會有一陣忽然加快的心跳… 心跳正正係對自己的誠實，不如拿出勇氣，好讓兩人有更多的可能性？小編先嚟一個劇透，就係今個星期四嗰集將會講到燦燦決定向大寶表白！最後肥歡同燦燦會唔會成為一對？咁就要留意今個星期日《一屋老友記》大結局啦！

全文完