君如有口德 唔認《金鴨》贏《雲霄》 盧海鵬試咪:睇鴨唔睇雞

(綜合報道)(星島日報報道)吳君如聯同盧海鵬、蔡瀚億、劉浩龍及姜皓文等前晚現身戲院為《12金鴨》謝票。最搞笑是鵬哥跟現場觀眾見面也不忘搞Gag,更爆金句說:「盧海鵬試咪,今年睇鴨唔睇雞。」不過有觀眾見到黑仔就大叫話唔睇亞視,黑仔即笑住唱:「人人睇無綫。」 對於鵬哥戲中飾演「鵬于晏」,君如笑言這個角色是她到台灣鴨店取經做資料搜集所遇到的事作為藍本,並指請來彭于晏客串於加長版出現扮演鵬哥後生版,聽到好多女觀眾尖叫,不過鵬哥要出埠登台,所以兩人未能同場。當記者笑問鵬哥是否靚仔過彭于晏?他說:「這個肯定,唔到你哋唔信。(後生時健碩過他?)我後生好大隻,是游泳運動員,我現在食老本都是靠嗰啲。」 提到《12金鴨》票房衝破2,000萬元打低《衝上雲霄》直逼《賭城風雲2》時,君如說:「唔好咁講!其實今年好多電影,真係九部大混戰,幾部港產片都叮噹馬頭。」文:鄺芷瑩 圖:譚志光 ■難得去旺角,君如、蔡瀚億及劉浩龍乘機「掃街」。 ■君如率《12金鴨》演員到戲院進行謝票。 娛樂