大S與汪小菲宣布結束10年婚姻 中台夫妻仲有邊幾對？

大S（徐熙媛）與內地富商汪小菲結婚十年，育有1子1女，多年嚟二人屢次傳出婚變，去到今日（22日）傳出大S已向法院遞狀訴請離婚，而雙方律師亦已經發出共同聲明，證實婚變傳聞。其實娛樂圈仲有唔少中台婚姻，不如而家就同大家數一數啦！

高圓圓 & 趙又廷
高圓圓與趙又廷喺11年因拍攝內地電影《搜索》而日久生情，翌年開始二人大方認愛，之後仲越愛越高調，佢哋喺14年結婚，19年誕下囡囡Rhea，一家三口幸福美滿，絕對係圈內嘅模範夫妻。

陳曉 & 陳妍希
陳妍希與陳曉喺11年因拍攝內地劇集《神鵰俠侶》而擦出愛火花，16年結婚兼誕下囝囝「小星星」。

楊丞琳 & 李榮浩
楊丞琳與李榮浩喺15年正式公開戀情，多年嚟二人愛得相當低調，好少喺公開場合放閃，直至19年喺李榮浩生日當天宣布求婚成功，之後被爆出喺合肥註冊結婚。

朱孝天 & 韓雯雯
近年轉戰內地發展嘅F4成員朱孝天，喺16年與韓雯雯結婚，不過因為自己患有罕見嘅遺傳性疾病，所以未有生育打算。

劉詩詩 & 吳奇隆
「四爺」吳奇隆與「若曦」劉詩詩喺11年因拍攝《步步驚心》相識相戀，佢哋15年結婚，19年誕下囝囝「步步」，二人幸福甜蜜，係演藝圈嘅模範夫妻。

伊能靜 & 秦昊
「不老女神」伊能靜喺15年與秦昊結婚，婚後誕下愛情結晶品「小米粒」，雖然佢哋相差10歲，不過成功克服年齡差距，姐弟戀無阻幸福甜蜜。

劉若英 & 鍾小江
劉若英處理感情事一向低調，直至11年喺社交網站宣布與內地商人鍾小江結婚，15年誕下囝囝「小珍珠」。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！