安德尊宋芝齡否認拍拖 當場互打

被宋芝齡掌嘴後,安德尊「還擊」一掌拍落女方大髀。
被宋芝齡掌嘴後,安德尊「還擊」一掌拍落女方大髀。

藝人安德尊(大王)與宋芝齡被拍到翹手行街,驚爆戀情!不過這是笑料一則,只不過是兩人感情太好,好到似兄妹。事件爆出後,兩人接受無綫娛樂新聞台訪問,再次否認戀情,受訪時大王不時面黑黑,網友還質疑他處處針對主持許文軒,他說:「講咁多嘢做咩,我做咩要回應你,關你咩事先?」、「笑咩呀,你覺得好好笑咩?」句句有骨!宋芝齡即時出手打圓場,不時掌大王嘴,許文軒十分無奈。

之後大王與宋芝齡玩到癲,打嚟打去,大王出盡力一掌拍落宋芝齡大髀,打到紅晒!去到尾段,大王又嚟料問許文軒:「你仲有冇嘢問,要問就問多5題!」許文軒忍唔住反擊:「你都冇答我!」