小米都玩 Iron Man 特別版？香港記者會驚現紅色版 4i

今日係小米 4i 在香港發佈的大日子，不但請了很多香港及國際記者，更展示出多部小米 4i 真機，小米副總裁 Hugo Barra 更親臨香港介紹產品。會後，Hugo Barra 更展示出一部紅色光面版的小米 4i，顏色似足 Iron Man 的裝甲！唔通小米都要學 Samsung 咁，推出 Avengers 特別版 4i？

▲機面只看到紅色框。

▲機邊都係紅色的。

▲從呢張相證明呢部紅色版小米 4i 是實機，唔係 dummy 機來架！

不過大家也不要想太多了，查實這部紅色版 4i 是特別為 Hugo Barra 度身訂制的，而香港版第一水只要發售黑、白兩款啞面機背版的 4i，亦不排除稍後按市場反應，推出其他顏色版本（黃、粉藍及粉紅）。不過 Hugo Barra 亦向記者說，如果大家想紅色版 4i 公開發售，不妨提出，他們也會考慮哩！

▲一次過睇哂所有顏色的小米 4i，最左方是 Hugo Barra 定制版，而右邊的黑、白啞面就係香港來緊會開賣的 4i 版本，至於再右邊的 6 部小米 4i，上面 3 部係光面版，屬於 prototype，不確定會否推出市場；而下面 3 部就係啞面版，會否在香港推出就視乎市場反應。

▲光面同啞面，唔知大家鍾意邊款多啲呢？

▲女士們，妳地又想要啞面定光面的粉紅色小米 4i？

▲Edward 反而鍾情於呢部寶藍色版的光面小米 4i，希望第日會推出啦！

唔知大家覺得呢部紅色 4i 靚唔靚呢？如果小米 4i 出多幾種機身顏色，大家又想要啞面定光面？不妨一齊討論一下啦！

• 不想錯過新科技 ? 請 Follow unwire.hk FB 專頁 http://facebook.com/unwirehk/

The post 小米都玩 Iron Man 特別版？香港記者會驚現紅色版 4i appeared first on UNWIRE.HK 流動科技生活.