香港土地問題嚴重，現今的人想搵個安樂窩都唔係咁容易，更何況係雀鳥？事緣歌手藍奕邦屋企外有喜鵲築了巢，雖然樓下住客不停投訴，不過藍奕邦都以不在港為由，嚴止任何人進入其單位拆走鳥巢。亦因為佢的堅持，喜鵲BB先能夠成功出世！但近日藍奕邦發現鳥巢一夜間離奇消失，翻查攝影機後，先發現原來有人從樓下破壞，喜鵲的安樂窩再不復見！憤怒的藍奕邦將片段上載到網上，更直斥破壞者觸犯法例！

續下頁

延伸閱讀︰

女神王君馨索爆丁圖

拆解《城寨英雄》8大謎團

話說多個月前藍奕邦發現屋外有喜鵲築巢，雖然樓下住客不時投訴要求處理雀巢，因為怕鳥巢會惹來禽流感和細菌而影響健康，甚至影響整個屋苑。不過呢段時間藍奕邦不在港，所以佢唔容許任何人進入單位拆巢，一切都要等佢回港再決定。正因為藍奕邦堅持「不遷不拆」，早前喜鵲BB終於出世，藍奕邦都非常高興！

佢早前仲特意在窗外裝攝影機，以防任何人破壞鳥巢！

不過好可惜，一切努力似乎都白費了，因為藍奕邦今日在網上表示，佢家中的傭人姐姐發現屋外鳥巢一夜間消失了！而翻查窗外攝影機後，先發現原來係有人從樓下單位往上破壞並拆除鳥巢。片段中所見，有人先將一個紙箱放出窗外，然後用棍往上向鳥巢底部攻擊，樹枝隨即慢慢跌落紙箱，整個鳥巢就此消失。

藍奕邦對此感到非常憤怒，因為由始至終都冇授權任何人進行清拆行動，而且法例規定，未經授權人士係唔可以故意移走或損害野生動物的巢或蛋，所以呢次破壞鳥巢之人好可能觸犯法例！佢又話就算巢中的鳥就算已經飛走，但明年同一時間都會飛返嚟再生蛋或者居住，「點解唔可以容忍佢平平安安完完整整留喺度呢？」

全文完