恃住有個煎Pan額 祖兒雲頂開騷唔怕鬼

容祖兒完了與李克勤的演唱會，即過澳門做國慶騷，之後由澳門回港直飛大馬舉行巡唱，所以祖兒話：「做埋呢個月，我要提早收爐啦！年尾要同媽咪去多兩次旅行補番下。」 由於印尼火燒山，空氣污染吹到過大馬，祖兒與團隊上雲頂的山路更加大霧大煙，加上很多成員都聽過雲頂的鬼故事，祖兒有媽咪陪同就話冇有怕，「我不嬲覺得自己陽氣重，一個人瞓又唔係好驚，我個額頭煎Pan咁大，有咩時拎起照一照冇事，哈哈！」但始終周圍煙濛濛，首晚綵排完，祖兒都差點以為自己撞鬼，「我同媽咪去按摩，入廁所嗰陣見到有兩個人坐係到郁都唔郁，去完廁所出來又唔見咗嗰兩個人，好彩媽咪都有話見到，即係嗰兩個係人唔係鬼。」 第五次到大馬開騷，門票一早爆滿，祖兒為了大馬歌迷特別做了一件新衫，演唱會完結歌迷安歌又安歌都不肯離開，樂隊都走人，祖兒就一個人站台上為歌迷再清唱了歌迷會會歌《Be True》，令歌迷非常開心；之後她趁此行再抽時間跟當地歌迷聚會。 今日祖兒由大馬返港，剛好遇上香港掛三號風球，航機delay了兩個多小時，她在大馬機場候機室打長途電話越洋說：「我寧願安安全全，delay就delay，最怕架飛機喺空中遇氣流拋到癲，仲驚。」