打工仔很易成功

【星島日報報道】最怕老氣橫秋，所以，經常提自己咪用教化口吻對子女講道理，用分析啟發最佳。 昨日，又有年輕人對我呻：「唉，如今香港服務業水準真差，絕少人肯微笑及禮貌待客。」「咁代表乜？代表好易成功！人人無禮貌，只要你笑一下，或有點禮貌，就贏晒對手，肯定升職加人工！所以，對手愈差，你不應皺眉，反應多謝佢 咁水蛋，令你兩下手腳變翹楚！」 小弟做過生意，老闆心態，明。長年做人上司，管理層點諗，又明。再者，打工打 三十幾年，打工仔心態如何，更百分百掌握。所以，悟出不少「打工必勝法」，非常容易實行，只須改變一下自己思想，懂得易位看人看事，再勤力少少，已贏到開巷。我的看法包括： 一、接受世界沒經常性公平。間中你也會比別人「更公平」，故遇上「不公平」時，應該泰然處之。 二、失敗有捷徑，成功則沒有。打工仔最忌練精學懶、冇耐性、唔肯付出，如此，唔失敗幾奇。 三、你並沒有自己想像般出色。人人睇自己，皆以為好叻，其實呢？請從競爭對手角度看！ 四、你的上司沒有你想像般蠢。打工仔，一百個中，九十九個會背後篤上司，窒佢無能。其實呢？你根本未到佢境界。若你不懂從高一個層次即上司角度看事，你永遠只可做下屬。 五、別以為只有你受委屈。職場不是遊樂場，你的人工，當中包括接受不少必須的委屈。 六、態度比能力重要。唔明白者一世不會出頭。 七、別把時間浪費在埋怨上。怨男怨女永不受上司歡迎。同事呢？也不會對你有好感，蠢！ 八、職場沒有標準答案。懂執生者永遠升得快。 九、人脈乃最大資產。記住，要正路培養回來！ 十、別急 在乎賺多少，要在乎學到多少。學到身好武功，自然有人高價請。反之，哈哈！ 曾智華 阿碌 開咪 專欄