今個星期《城寨英雄》進入結局篇，自同鄉會三巨頭死後，和平再度降臨城寨，人人得以安居樂業，街裏愛人一對對！可惜一切只是幻覺，接下來眾人命運均異常坎坷，戀人陰陽相隔、有情人未能成眷屬，死的死、傷的傷… 其中朝陽(陳展鵬飾) 及刁蘭(胡定欣飾) 早已成為一對，當觀眾以為佢哋可以開花結果時，竟然因為一個多年來的秘密，令二人不相往來！而背後的原因，好有可能係年幼時的刁蘭，其實係朝猛山、段通天兩位八極宗師被殺的幫兇！

續下頁

延伸閱讀︰

艷舞女變鄰家女 仙氣花曼驚艷登場

《城寨》砵仔糕老闆 歐瑞偉後生勁型仔

今晚劇情將會講到朝陽與刁蘭遇上大雨，朝陽執起木板與刁蘭遮雨 ，此情此景下憶起15年前兩人已經見過面！因為當年小朝陽在炮台處苦等妹妹，年幼的刁蘭見狀，就搵來一塊木板為佢遮雨，可以話係情根早種！及後刁蘭問三姨婆(梁舜燕飾) 拎朝陽小時候的照片睇，但當佢見到朝陽父親朝猛山的樣子時突臉色一沉，之後性情大變，心情愈來愈差，咁係因為… 刁蘭同當年兩位師傅之死有關？

既然刁蘭已經從朝陽及甲辰兩人中選擇了前者，而且又知道兩人十多年前已經相遇過，本應該理所當然地好好戀愛。不過從TVB發放的預告片中，見到朝陽兩眼通紅咁對刁蘭講︰「點解偏偏要係你？點解你一直呃住我？」而刁蘭則淚流滿面咁話︰「我真係唔知可以點樣同你講…」 之後劇情會提到刁蘭見到朝猛山照片後性情大變，所以刁蘭極有可能與朝陽父親及牙佬父親之死有關！

即使刁蘭哭着跪下，拳佬亦不回頭，默默地離去，因為「最難寬恕是欺騙」… 咁到底刁蘭隱瞞緊咩？小編在下頁小心求證，作一個大膽假設！

回到《城寨英雄》第一集，一切事件發生的源頭，當時朝猛山與段通天一同在火場救人，本以打算離開，不過火場中突然傳來小女孩的呼叫聲，於是段通天重返火場，亦即佢的葬身之地… 而小編估計，呢個嗌救命的小女孩，好可能就係年幼時的刁蘭！

之後發生咩事大家都好清楚，朝猛山回到火場時段通天已經身受重傷兼發癲，不停攻擊，最後在「猛虎硬爬山」仍未擊落之前，已然吐血身亡。

近日劇情已經解釋清楚，當年真正殺害段通天之人，其實係化身缽仔糕廠楊老闆的殺手頭目天干(歐瑞偉飾)。不過身為組織旗下殺手的刁蘭，好有可能用呼叫聲將段通天引回火場，繼而令其被殺。既然當晚發生之事就係一切的起源，刁蘭絕對係段朝兩位師傅最終被殺的幫兇！難怪朝陽咁傷心……

全文完