【旺中0租金計劃】韓式影證件相服務
前排傳到「行一行」嘅旺中零租金計劃(你出橋、 我出舖創業種子企劃),終於有第一間店舖誕生啦!「閃光機韓式證件相影樓」已經係 旺角中心 開業啦!
我感覺到大家都會有睇《跟住XX去旅行》,都應該可以知道有一集去韓國其中一個環節係去拍攝證件相。相信大家對拍攝韓式證件相過程都唔會太陌生,但我依然會為大家講解一下。
♦ 首先要為自己揀選一件合心水嘅衫先
♦ 然後化妝師就會幫你大變身(淨係個樣)
♦ 化完妝就到戲肉影相相
♦ 最後一步就係電腦執相啦
♦ 執完後明顯眼袋細咗,頭髮整齊咗
影一輯16張嘅證件相要$200,比起快XX約$80-$100左右,平定貴就見仁見智。另外仲有其實攝影服務,例如情侶及家庭等等……
旺中 0 租金計劃
旺中一直都係走在潮流尖端,為與時並進及提升商場吸引力,並推出咗個「你出橋、我出舖創業種子企劃」。推出計畫開始,每日均有接獲20-30宗查詢。
「閃光機韓式證件相影樓」通過一連串評核,成為第一位免租得獎者,獲得旺角中心商場「S66A」舖位經營韓式證件相服務,免租期為三個月,但需要交營業額的20%作行政費。
小記也有問到,假設已免租得獎者的生意不如理想會有咩對策呢。而旺中回覆,店舖營運初期會提供一些意見,提供意見嘅都係成功的投資者或創業者。如果情況一直未有改善或經營者態度差,也會考慮將機會給其他人。
不想錯過最新科技猛料及限時優惠 ? 請 Follow PC3 FB 專頁 www.facebook.com/pc3mag