晒合照 爆Sammi做背後女人 Kay教安仔花招冧老婆

(綜合報道)(星島日報報道)第3場《Come On Andy Hui Live 2015》繼續於紅館舉行，前晚嘉賓分別有衞蘭及謝安琪，謝安琪除了大賣口乖叫安仔做冧志安外，又稱聽到安仔的歌曲好想拍拖，會叫張繼聰再追過她，結咗婚需要新花款，暗示安仔要學新花款𠱁老婆。文：駱震寧 前晚在安仔一輪冧歌熱舞後，嘉賓衞蘭於台上跟安仔合唱《會過去的》。衞蘭說：「我好鍾意你一首歌，頭先你唱咗！《喜歡你是你》呢首歌好正！」安仔笑說：「我都好鍾意你講嘢嘅style，好正！每次你講嘢我都要好注意你個嘴唇，你講嘢好細聲，傻妹豬！」之後安仔又說：「其實衞蘭最出色嘅地方，唔係講嘢，而係開口唱歌把聲！」隨後由衞蘭獨唱歌曲《離家出走》。 硬撬安仔Fans 另一位嘉賓謝安琪（Kay）亦隨後出場，身穿黑色連身裙加黑絲的Kay，跟安仔手拖手出場合唱《教我如何不愛他》。Kay笑言：「你叫『冧志安 』啊，聽到你嘅歌好想拍拖。今晚我會叫張繼聰再追過我，結咗婚需要新花款。」安仔笑說：「你依家教我咁話咯！」全場歡呼更大嗌Sammi的名字。Kay笑指自己是由荷蘭空運到港的，她笑說：「我開演唱會大家都可以嚟，其實安仔同安琪都係差一個字啫，啲安字牌都可以帶埋嚟 ！」安仔更表示，非常樂意為她稍後的演唱會擔任嘉賓。 此外，前日完成荷蘭拍攝急急趕回港的Kay擔任完安仔的嘉賓後，昨日又趕忙飛到菲律賓宿霧演出，昨日她上載安仔後台照片，還跟其「背後的女人」Sammi合照；安仔亦在自己的微博發放半裸舞台照，叫觀眾在他的尾場演出要一齊High爆。 ■許志安與Sammi在後台恩愛合照，肉緊相擁，旁為安仔助手。 ■謝安琪笑言從荷蘭空運到港，擔任安仔的嘉賓。 ■謝安琪上載與Sammi在後台的合照。（微博圖片） ■衞蘭擔任嘉賓，與安仔合唱《會過去的》。 娛樂