智能電視係一個真正嘅智能管家

早喺八十年代，大家睇科幻電影嘅時候，觀眾都被佢嘅智能家居場面吸引住。當時人人都會問：「有冇可能呀？」勢估唔到今時今日智能家居已經成為日常生活一部分！

真正嘅「智能」

今日嘅智能家居要配合家居環境⋯⋯會唔會有好多限制？而家具同屋企嘅電器，我哋又應該點去配搭呢？

對影音產品有少少興趣嘅我，智能家居首選嘅主角一定係電視機！講到電視就一定要細心去揀，通街都話自己係「Smart TV」！咁究竟點先做到Smart Living？其實Smart TV唔淨止可以上網睇電視咁簡單，而係你可以有話事權，睇咩、幾時睇、點睇，全部依照你嘅喜好、習慣，由你控制！咁先可以真正晌日常生活成為屋企嘅智能娛樂總管。

至於應該點樣去揀合心水嘅牌子，最近睇咗好多關於智能家居嘅網頁，畀我搵到有個牌子叫Letv「樂視」，佢符合晒「智能」嘅要求，好多方面都吸引到我。

全方位人性化平台

首先Letv有一個易用又人性化嘅平台，非常切合「智能」呢個理念。講到人性化，個感覺就好似餐廳老闆見到熟客仔一樣，你未開口就知你食乜飲乜。真正嘅智能電視應該係可以「猜你所想」，例如我之前淨係追住啲4K內容，咁Letv嘅UI就會先安排我睇4K片先，全因佢經已有晒我哋睇過所有內容嘅紀錄，會好貼心咁幫我哋去安排、篩選咗先。當然，你都可以「添加最愛」，bookmark你鍾意嘅節目，自家打造私有頻道。

至於自動化，Letv每個月都會有韌體升級，備有自動提示更新韌體及功能升級。更貼心嘅係佢嘅續播功能，你煲到一半嘅劇，無論何時何地都可以繼續煲埋落去。即係話如果你睇到第26分鐘停咗熄機，第二日開返就自動由第26分鐘繼續播放咁囉。

智能家居要入屋企，要配合智能裝置嘅延伸性就少不了，只要智能電話、平板裝置或音響產品有AirPlay（iOS）、Miracast（Android）或DLNA（數位生活網路聯盟），就可以透過Wi-Fi將唔同device嘅內容放上Letv大屏幕上睇，或接連音響產品。你仲可以晌Google Play下載「多屏看看」App，就可以用手機當遙控操作電視。而且利用「多屏看看」，仲可透過Wi-Fi推送電視視頻到智能裝置同步收看，即係話如果屋企人晌廳睇緊套笑片，而你咁啱要去廁所，當家人笑爆嘴嘅時候，你都可以晌廁所一齊睇一齊笑，唔會miss

咗重要部分。

你有自選權

Letv主張嘅無時間、無地域限制概念，真係非常體貼。佢應用VOD（即係Video On Demand）呢個技術，心愛嘅節目幾時睇任你定。你甚至可以自訂個人時間表，完全打破傳統廣播模式嘅規限（唔係佢播咩你睇咩），隨時又可以pause，唔駛坐定定，去個廁所都驚miss咁啲嘢。

而近期最熱捧嘅Live Streaming亦係Letv嘅皇牌功能。喺早幾個月前，佢哋已經將演唱會同一啲大型音樂活動，直接即時同步帶入我哋屋企。好似蔡健雅同周筆暢剛剛完成嘅音樂會，就實現咗即時同步呢個最新嘅概念，咁以後想睇演唱會，仲駛咩撲飛？！

我個人認為2015年智能電視機，可以喺唔同範疇入面配合智能家居呢個玩意。最重要係平台具伸展性、自動化再配合人性化，可以貼心咁為大家嘅智能家居去鋪路。而Letv的確係比一般智能電視做多一步，醒目多一步。我收到風，佢哋部S40正式發售係3月11號，但預售喺3月2號已經開始喇，到時肯定又有搶購潮！有關資料：http://bit.ly/1woKxHD

撰文：車扶嗱

(資料由客戶提供)