朋友聚會竟然變咗電視、影音欣賞會

最鍾意三兩個月就搞一次朋友聚會嘅我,有時諗去邊度食飯真係諗爆頭,所以近呢幾年都好鍾意約班Friend喺我屋企搞大食會,雖然多嘢做咗啲但係計起上嚟,點都平過出街食吖!又飲又食,講野大聲D都唔怕!所以我同我老婆都好鍾意搞house party宴客!

好彩屋企都唔算太細,剛剛可以容納108個人,而每次都有啲活動係指定動作,啲女士們就梗係呢樣8吓嗰樣8吓,講吓最近去咗邊度旅行吖,交流一吓化妝護理心得吖,繼而又好有技巧咁互讚大家都肥咗又瘦咗皮膚又靚咗吖。真係唔明佢哋點解可以講極唔厭......諗諗吓有時真係要向女士們學吓嘢,點解假得嚟又可以咁真......老婆見到我陰陰咀笑,跟住問我係咪想瞓廳呀你今晚?仲話我,女人嘢你唔知咁多咖喇!!!哈哈哈!!!我啲男仔friend即刻叫我:「返過來啦你!」

次次都差唔多會自動分開男女子組,女嘅就會開張麻雀枱出嚟邊打邊繼續八卦。男嘅就會坐定定喺客廳傾吓近況之餘,就梗係講吓最近有咩新嘢玩啦!我哋呢班男人基本上都比較鍾意相機,音響,Headphones,紅酒呢幾樣嘢,跟住通常都會交流吓心得,傾吓傾吓都差不多要準備晚飯。如果唔講我諗好多人都以為煮飯嘅係班太太們,錯了!我哋呢班男人其實仲有一個共通點......就係鍾意煮飯仔!我諗呢個世代應該唔會太出奇掛?有相為證咖!

朋友聚會竟然變咗電視、影音欣賞會
朋友聚會竟然變咗電視、影音欣賞會

飲飽食醉之後太太們就繼續打牌,我哋幾個大漢就繼續摸酒杯底吹水,講吓講吓,麻雀枱嗰邊突然有位太太問我:「咦

......乜你部電視好似大咗咁多咁嘅?」跟住幾個麻甩佬即時用凌厲嘅眼神望住我大叫...「係喎!新電視喎!有新玩具喎!!快啲講!」

哈哈哈!我不經意咁講...「冇......504K電視再加內置盒子可以睇晒大部份最hit電影劇集綜藝節目咋嘛......仲有500小時嘅4K內容咁啦!但除咗有戲睇同可以煲劇之外,佢入面仲有演唱會睇咖,全部都係紅噹噹歌手嚟咖,有汪峰、羽泉、周筆暢同埋GEM添!」講完之後連打緊牌嘅太太們都即刻靜咗落嚟,其中一位太太問我:「咁咪巧貴???無兩三萬都買唔到啦!」再望住佢老公講:「你咪使旨意呀咁貴!」

哈,我一路冇出聲,等佢地自己喺度發表吓先!我等咗一陣先再講:「大家冷靜啲。。。其實呢部電視機係非一般嘅電視,佢除咗一般嘅Smart TV 功能之外,其實最主要係佢已經放咗過萬小時節目係入面, 仲有過500小時4K 節目,加上我知出面其他牌子都唔會有呢樣著數,而最重要係個價錢......$5000蚊都唔洗,所以咪買咗佢囉!」

講完之後男男女女都即放低晒所有嘢,叫我開4K片比佢地睇。班老友一路睇一路嘩!嘩!嘩!咁嘅聲,因為除咗個4K畫面好震撼之外,其實呢部電視個聲效真係做得非常之有水準,其中一個朋友問我:「喂!乜你開咗部5.1音響咩?」我話,冇呀我冇開呀!佢再問:「咁啲聲係電視出嚟?」我話係吖,係咪好似用緊Home Theatre 睇戲咁呢?個個都靜晒嘅時候我就講,呢部電視嘅內置音響係好齊料咖,20W低音炮, Dolby, DTS, 2.1聲道, 仲有5個單元添!其實同擁有一條二千蚊倒嘅Sound Bar 冇乜分別,加上佢聲音層次感同聽live concert 個效果都非常之好,而我最驚喜嘅就係由電視出來嘅人聲比起其他大牌子都做得仔細,就算開個volume開到好大聲都唔會拆。一講完之後全部人靜靜地咁睇咗差不多6個鐘,攪到零晨4點幾班Friend先散水!

不過咁,雖然夜就夜咗啲,但見到成班朋友玩我部電視玩得咁開心,個個讚部機嘅Function之餘,仲話遲啲會買番部㖭!

 

延伸閱讀:精彩音樂娛樂盡在Letv音樂頻道

 

撰文:車扶嗱



(資料由客戶提供)