杏兒唔認身家多過未婚夫

(綜合報道)(星島日報報道)胡杏兒與楊秀惠昨日出席活動。談到本月28日的婚宴,杏兒坦言有少許緊張,因為要處理不少瑣碎事,面上亦長出粒粒,所以要勤敷面膜,希望以最靚一面在婚宴上亮相。 至於未婚夫Philip Lee(李乘德)被指為面子月租四萬元的新居,杏兒說:「我無睇報道,但他住哪裏我點會唔知,而家大家各有屋企,一直有物色適當的愛巢,租或買都可以。(未婚夫身家不及你?)我都唔知自己有幾多身家,但我估到佢大概有幾多。」 杏兒又澄清未婚夫正職並非夜場老闆,而是做獵頭公司。 另外,同場的楊秀惠跟家人投資了七位數字,於銅鑼灣開設樓上鋪售賣韓國美容產品,她笑言經常做白老鼠試產品。 文:鄺芷瑩 圖:鄧國良 ■胡杏兒(左)與楊秀惠雙雙以白色打扮現身活動。 娛樂