事隔四年再度舉辦的「2016香港先生選舉」，將於9月11日與香港小姐合併舉行，而且參加者質素甚高，令人非常期待！無論港姐定港男，每年大台都會製作一系列的宣傳片，讓觀眾對眾參加者的印象加深。今年亦不例外，宣傳片中見到一班準港男在岩石上跑跑跳跳，盡展男性剛陽味。不過眼利觀眾應該都認得出，拍攝地點就係著名的東平洲，亦知道該處的岩層有逾五千五百萬年的歷史，乃珍貴的地質地貌寶庫！如今一班猛男在岩石上又跑又跳，唔單止自己好危險，亦會破壞珍貴的自然環境……

續下頁

延伸閱讀︰

《城寨》花曼龍成虎慘死

《城寨》砵仔糕老闆 歐瑞偉後生勁型仔

近日大台頻頻播出宣傳片，片段中見到一班魁梧型爆的準港男「蓄勢待發」，拉晒筋熱晒身咁準備起跑！口號正是︰「勢在必行」！即係就算破壞環境都勢在必行？

之後就見到一班準港男展現雄風，在紋理分明的頁岩上狂奔之餘，仲要做個「大鵬展翅」的甫士在岩石之間跳上跳落，其實佢哋知唔知自己踩緊的岩石已經有幾千萬年歷史？萬一岩石鬆脫及剝落，就真係大鑊…

接下來都係繼續跑、繼續跳，最後眾人齊齊登上一塊岩石，眺望着大海，非常有意境… 有型就有型，但似乎唔太啱規矩喎！

根據官方資料，東平洲為香港最東面的海島，呢個小島全由沉積岩組成，沿岸的海蝕地貌變化萬千，擁有奇趣的頁岩和其他種種自然奇觀。東平洲除了係香港有名的地質地貌寶庫，亦被納入香港聯合國教科文組織世界地質公園的範圍，所以參觀人士都應該遵守規矩，唔應該攀爬石柱或岩石。雖然未知大台今次拍攝是否獲得許可，不過大自然係屬於每一個人的，人人都應該好好愛惜！

全文完