林家棟首奪最佳男演員:終於有呢個機會

林家棟憑《樹大招風》季正雄一角獲得最佳男演員獎。

【星島日報報道】《第23屆香港電影評論學會大獎》今日公佈得獎名單,林家棟憑《樹大招風》季正雄一角獲得最佳男演員獎;金馬影后周冬雨憑《七月與安生》拿下最佳女演員獎。周星馳、黃進分別憑《美人魚》與《一念無明》雙雙奪最佳導演獎。最佳電影獎由《樹大招風》獲得,《一念無明》拿下最佳編劇獎。 林家棟1987年參加無線的藝員訓練班而入行,曾憑《愛君如夢》、《葉問》及《寒戰》獲提名香港電影金像獎最佳男配角。首次因演技奪得電影方面的個人獎項,林家棟總算得到外界肯定,他開心表示冇諗過有獎拎:「多謝咁多位評審對林家棟嘅支持同鼓勵,其實我都冇諗過會憑《樹大招風》拎到呢個獎,聽到呢個消息唔知畀咩反應。拍到呢部咁有話題性、發揮空間嘅戲係好難得。演員係不停等角色同鑽研,終於我有呢個機會,好榮幸。」 林家棟更多謝入行多年以來的良師:「多謝杜Sir(杜琪峯)、游乃海兩位監製,編劇同導演都係功不可沒,佢哋用咁多時間去啄磨咁好嘅故事。好多畫面浮返出嚟,包括第1日入訓練班,有個傻仔,完全唔懂咩係演戲嘅人,點去理解角色,點去睇劇本。用咗咁多年時間,我先係掌握到少少,多謝咁多位老師、兄弟咁多年嘅栽培。」他更感言「人生如戲」:「我老師成日同我講『人生如戲』,對一個20歲嘅朋友仔嚟講,真係唔明,經過咁多年先發現,先發現真係人生如戲,對我嘅演出係好大影響。」 另外,《一念無明》的編劇陳楚珩希望透過電影令人關注社會議題:「我知道自己有好多不足,以後會更加努力。好多謝譚家明老師嘅教導,希望《一念無明》提及嘅社會議題會得到更多嘅關注。」 憑執導《一念無明》奪得金馬獎最佳新導演的黃進,再拿下導演獎,他感謝各界支持:「我哋一直希望透過咁好嘅演員,咁強大嘅戲劇,去帶觀眾重新審視我哋嘅生活、我哋嘅城市,評審嘅認可同鼓勵令我哋覺得所有心血努力都係值得。」

睇更多