楊千嬅錄緊全新廣東歌兼重啟演唱會?網民:冇人想聽

楊千嬅

楊千嬅近年轉戰內地市場,上年4月更全家移居上海,除咗亮相綜藝節目及出席品牌活動之外,早前更獲邀出席「江蘇衛視」嘅跨年演唱會,賺人仔賺到豬籠入水。雖然佢喺內地發展不俗,不過其實佢冇忘記香港嘅歌迷,仲已經錄製緊全新廣東歌。

喺噚日(4日),楊千嬅於社交網站出限時動態,上載一張自己錄製緊歌嘅照片,並寫上「Never give up my music #廣東歌」。另外,佢原本喺前年舉行一連6場嘅「MY Gratitude 25楊千嬅演唱會2020」,不過因疫情已被逼取消,早前佢透露希望今年可以重啟演唱會。

消息傳出後,雖然有歌迷表示期待,不過有唔少網民喺討論區留言表示無興趣,例如「唔駛啦多謝」、「香港人忘記左你啦」、「諗下有冇人聽好過啦」、「唱得又差又老,心口得個勇字嘅集體回憶都無埋,想觀眾睇咩」、「已融入上面,好大陣北味。大媽嬅收皮啦」、「以為多番人聽廣東歌就會聽佢」、「快啲開啦 想睇滯銷」、「冇人想聽,嬅嬸死返上去啦」、「揾人仔得啦 咪返落黎香港 謝謝」、「見啲人叱咤話香港樂壇有啲起色 之後即刻想翻嚟掘金」、「唔講都唔記得仲有呢個人」、「佢無忘記歌迷 但大把香港歌迷老早忘記左佢」及「歌迷D錢真香」等等。

「MY Gratitude 25楊千嬅演唱會2020」海報
「MY Gratitude 25楊千嬅演唱會2020」海報
楊千嬅
楊千嬅
楊千嬅
楊千嬅
楊千嬅
楊千嬅
楊千嬅
楊千嬅

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!