深層次前列腺按摩服務?樂仔誤叫邪骨

余文樂話一邊按摩一邊打機感覺好正。

余文樂首次擔任按摩產品代言人,拍廣告時累到坐在按摩椅上真的舒服到幾乎瞓著! 自封「靚仔按摩男」的樂仔,自幼就被父母訓媡出一雙巧手幫他們按摩,不過做了代言人後,爸媽可各獲贊助一張按摩椅不用爭,他又可坐住按摩椅打機,並笑言:「一邊按摩一邊打機嗰種感覺,就好似一邊按摩一邊食雪糕咁歎。」 樂仔透露每次出埠工作,最愛收工後找按摩師上門鬆一鬆,當中有不少奇遇,「簽名合照都試過,好小事,最離譜一次係對方暗示『深層次按摩』、『前列腺按摩』,嚇得我,我梗係唔制啦,叫佢走啦!從此以後我都搵多個工作人員或者助手同場,費事有乜誤會!」