淺水灣開餐 小牛來港密會Stephy
鄧麗欣(Stephy)及方力申於今年三月宣布分手,正式結束十年情,市民大眾得知後無不感到震驚和惋惜。畢竟Stephy及小方的情侶形象早深入民心,本以為遲早會拉埋天窗,最後卻分手告終。兩人雖已分手,但分別接受訪問時卻禁不住傷心落淚,令人覺得佢哋情還在,有機會復合;但亦有指Stephy已經有位同性新歡小牛,所以狠心同小方分開!
其他文章︰
愛.回家之張秀文水着救亡
馬明勇敢表白:鍾意唐詩詠
現年32歲、暱稱小牛的鄧衍敏乃台灣排球名將,曾代表中華台北出戰世界大學運動會及亞運會。據知小牛能成功奪Stephy芳心,除了一樣熱愛排球之外,更是一個生活十分有規律的人,不愛夜蒲好顧家,閒時會陪父母四處逛,十分孝順!
話說數月前Stephy與小方分手後,就係去咗台灣搵小牛散心,期間兩人舉止親熱,吃喝玩樂幾日,不過Stephy其後堅稱與小牛只係朋友關係。
不過今日有網民爆料,稱小牛近日來港與Stephy密會,兩人仲同朋友去到淺水灣The Verandah食飯。其實Stephy早前去到峇里島出席楊愛瑾(Miki)的婚禮時,小牛已有同行,而且小牛一直希望公開關係,所以不時都在IG上載有關Stephy的相片。對此Stephy就話唔係密會,而係一齊睇女排大獎賽。
Stephy的好姊姊區文詩(Angela)都有上載與小牛IG內的同一張相,佢承認有同小牛食飯,不過係一大班人,而佢自己同小牛亦熟稔,叫大家唔好亂諗!