無辜變小三 栢芝遭初戀男友推入衣櫃

【晴報專訊】張栢芝昨日客串主持商台深宵節目繼續爆料，她憶述當年曾遭欺騙成為「小三」，試過被初戀男友推入衣櫃來逃避正印女友，栢芝慘變「衣櫃裏的女人」。 下月踏入34歲的張栢芝，昨日凌晨在《起來！大龍鳳》電台節目繼續開咪，她在節目中真情流露，提到跟謝霆鋒離婚接近三年，她坦言：「我都習慣單身模式，但始終有時會寂寞。」 栢芝被問到第一次分手時有多傷心？她憶述當年在澳洲讀書的悲慘經歷：「係梁漢文嗰種『躲於衣櫃裏』！我同初戀男友拍拖三年幾，但原來佢有女朋友，我被冤枉變成第三者。佢女友按門鐘，男友就打開衣櫃將我推入去。當時我匿喺衣櫃唔緊要，仲要睇住佢哋情情塔塔。」最後，栢芝都沒有站出來當面對質，她說寧願自己受傷害，都不想傷害其他人。 談到現時的感情世界，栢芝指年紀愈大，戀愛想法會漸趨成熟，而且年輕時甚麼都玩過，現在個人定性，所以想找40至43歲的成熟男士，後生靚仔已經唔吸引。DJ取笑栢芝：「因為你試過有好多靚仔（男友）。」栢芝即反駁：「之前我同鄭中基傳緋聞，佢有幾靚仔？（外籍男友都唔夠靚仔？）係呀，我以前個外籍男友都唔靚仔。」 阿Sa嘗心願與霆鋒同遊 另一邊廂的謝霆鋒近日與師妹蔡卓妍（阿Sa）遠赴西班牙拍攝飲食節目《十二道鋒味》。阿Sa昨午在微博貼了一張跟霆鋒在西班牙街頭的合照，霆鋒露出燦爛笑容，同行還有戴住黑超的「四哥」謝賢。阿Sa表示：「說了很多年要一起去旅遊，這次終於實現了。」 撰文：林常恩 編輯：陳禮恒