羊B仔取名Nathan Lucas 陳豪誓追女：多啲嚟密啲手！

(綜合報道)(星島日報報道)昨日陳茵媺（Aimee）產後跟丈夫陳豪（Moses）首次會見傳媒，跟大家分享喜悅，並透露次子於2月26日出世，重6磅13安士，英文名為Nathan Lucas Chan，喻意上天的禮物及發光發亮。問到會否追多個女兒？陳豪搶着說：「會！多啲嚟，密啲手！」 文：駱震寧 圖：羅安強 昨午12時許，陳豪跟陳茵媺安排在場近50名記者，到醫院2樓婦產科進行訪問。Aimee戴着太陽眼鏡，身形略胖。拍照期間兩人的笑容都非常燦爛，Moses更先後於太太的鼻頭及嘴唇上輕吻，恩愛指數爆燈！ Aimee透露細仔於上月26號出世，歷時5小時，自然分娩。她說：「好快，不過比上一次痛好多！」Moses透露細仔英文名為Nathan Lucas Chan，Aimee表示有上天的禮物及發光發亮的意思。問到大仔陳梓燁（Aiden）可知弟弟出世？她說：「哥哥畢竟都只是14個月大，唔知佢知唔知。不過入院前有同哥哥講，佢都有郁郁手指，好似想跟埋一齊去咁。」 似足靚仔老竇 問到可有意追個女？Moses搶着答：「會！咁又唔一定係女，我哋覺得小朋友係上天的禮物，既然上天送禮物畀我哋，咁點解唔要。多啲嚟，密啲手！咁當然媽媽要唞下先啦！」 雖然家中再添新成員，但Moses表示不會放慢工作：「反而要更加努力工作，佢哋係我哋而家的動力。」他透露新劇《鬼同你OT》將近埋尾，其後會有時間照顧BB。 至於Aimee會否考慮停止幕前工作以專心湊仔，她說：「唔會，我都好喜歡拍嘢，希望在工作與家庭中攞到平衡。」她坦言湊B工作都會跟陳豪親自上陣，因BB長大得很快，不想錯過任何時間。問到父母可會留港幫忙照顧愛孫，Aimee謂：「唔會喇！爸爸媽媽在多倫多都有工作，朋友又在那邊，不過佢哋下星期會來港，因為好心急（見BB）。」 此外，問到初生的Nathan Lucas似爸爸還是媽媽，Aimee笑道：「似爸爸！一樣咁靚仔，一樣咁俊俏。」Moses接着說：「哥哥就似媽媽，似媽媽好，夠靚！」 有圖有真相，陳茵媺昨日黃昏時分亦上載了初生的Nathan Lucas靚仔相，果然似足陳豪，五官標緻。母子更鼻貼鼻親親，十分溫馨。Aimee還表示成為人母是人生中最珍貴的經歷︰「Being a mother & birthing life is the most courageous and most memorable experiences of my life... and now our second Prince is born!」 ■再度添丁的陳豪攬實陳茵媺，兩個都笑容燦爛。 ■陳豪輕吻陳茵媺，sweet到爆。 ■Aimee與初生羊仔鼻貼鼻溫馨合照。 ■Aimee產後仍然容光煥發，果然天生麗質。 ■Aimee話細仔似足陳豪咁靚仔俊俏。 娛樂