袁潔儀 叫老公搵小四

(綜合報道)(星島日報報道)昨日亞視新節目《我愛下午茶》主持之一的袁潔儀，邀請到好友楊玉梅到場大談健康心得。 楊玉梅透露4年前已成功考獲國際瑜伽牌，為了準備出鏡，最近再次積極玩瑜伽，「我要瘦過晒啲o靚模，身為『完美體態』、『最上鏡小姐』」得主，點可以唔Keep！」 此外，楊玉梅又大爆袁潔儀家事，「咪睇佢咁斯文，其實佢好開放。佢話唔介意老公搵小三、小四，最好服侍埋佢。」袁潔儀解釋：「最好幫我老公傳宗接代，而家唔係我唔想生，係我無能力。其實今次簽亞視其中一個原因係減壓，成日諗住想生，愈諗愈無，要將個注意力分散。」文、圖：駱震寧 ■楊玉梅示範瑜伽姿勢。 ■袁潔儀（左）邀請楊玉梅接受訪問。