話時話：及早放生渣男 勿做下一個林鳯嬌

成龍係05年推出的自傳《成龍：還沒長大就老了》，英文版於今日推出，內容同中文版有所不同。話說今次成龍大哥自認對待女人及小孩「完全是混蛋（total jerk）」。他曾沉迷賭博及飲酒，揮霍又與10多位妓女瞓過。而當年太太林鳳嬌由懷孕到生出房祖名，成龍都一味認為對方係為咗錢，婚後仲多次想離婚。至於仔女，佢隻字不提「小龍女」吳卓林，卻自爆和老婆林鳳嬌吵架時，居然將還在學行的房祖名拿起來丟到梳化，事後他對鏡自責，決定改過。消息一出，立即惹起港人公憤，有人話佢係「人中之渣」，有人話佢根本無盡過做老公同爸爸的責任，外國有多媒體記者狠批佢不尊重女性。

而最可憐的除了吳卓林，重有當年揀錯愛郎的林鳳嬌同吳綺莉，浪費了大好的青春。如果一眾少女們唔想好似呢兩位「苦主」咁，在初相識時不妨睇清楚對方，如果佢有以下呢5個跡象，不如襯早放生吧！

只想要性

每次約會都在床上，證明呢個男人想要性多過愛，係佢身上找不到甜蜜的吻、溫暖的擁抱，亦唔會有穩定的將來。

不只一次大話

當呢個男人唔止一次同你講大話，又比你拆破，呢類慣犯真係好難戒掉講大話的習慣，久而久之變成縱容。

佢有自由卻要控制你

一段感情係雙方的，當你比自由佢，相反佢要完全控制你，要你24小時Stand by，呢類自私男人絕對要不得。

一直唔公開你身份

如果認定你，佢一定會將你介紹比親友認識，如果佢遲遲都唔肯公開彼此關係，個借口又好牽強的話，證明佢愛佢自己多過愛你。

只有佢講無你講

鍾意一個人，緊係想知道對方的事情。如果對方一味講自己嘢，對你的任何事都不感興趣，這單向的戀愛，有何意思呢？

相片來源：成龍 Jackie Chan @facebook