雅虎香港新聞 
謝安琪求上契 Juno 30萬利是贈契女
謝安琪(Kay)休假造人大半年，上月由老公張繼聰宣佈追女成功，全城恭賀。湊成一個「好」字的張氏夫婦早已為未出世的寶貝女搵定契爺，Juno麥浚龍與白只都榜上有名，一個富貴一個好戲，真識揀。據知首次做契爺的Juno為隆重其事，除費盡心思選上契禮物外，更預備封30萬利是俾未出世的契女，認真大手筆！
兩索人妻玩sheshe 煒哥激咀陳自瑤
與Stephy分手半年 方力申秘撻何超蓮
延伸閱讀：
上星期本刊就拍得阿聰載老婆到大尾督食西餐，原來係約了寶貝女契爺Juno。雖然席間還有多位朋友，但Juno與張氏夫婦雞啄唔斷，飯後甚至坐出室外位置密斟。
Juno其後回覆記者稱，當晚其中一個話題就係傾上契利是，原來中國傳統上第一次做契爺係有利是收，所以佢向阿聰提出收六位至七位數字利是，不過阿聰就討價還價！另外Juno家財萬貫為人大方，又點會待薄契女？據知他為了買禮物諗到頭都爆，此外還會預備30萬的上契利是！肯定會錫到契女燶。
去年憑大熱洗腦歌〈羅生門〉，除了令Juno與阿Kay橫掃樂壇頒獎禮，二人亦成為好友。阿聰指近年與Juno不時有接觸，大家相當投契，故阿Kay提議不如俾Juno一嘗做契爺的滋味，而Juno亦答應！小公主除了有富貴契爺照住，爸爸阿聰的演藝事業亦正值起飛，近月電影、電視劇、廣告代言及商業騷都接踵而來，相信阿Kay大可以安心留家湊仔女啦！
全文完
延伸閱讀：
