釋智定稱生子宮瘤 為尋接班人假結婚

【星島日報報道】本報取得一段絕密錄音帶，內容顯示釋智定被本報「踢爆」與和尚假結婚後，向一男信徒「自爆」因○五年有子宮瘤，擔心死後定慧寺沒有接班，乃決定假結婚，怎料，遭內地公安敲詐近百萬元，結果她要支付八十萬人民幣，又送電腦又送手機，才將事件擺平的經過，釋智定在對話中聲言，「告我假結婚，o依家無野，無條件釋放，我請咗律師幫手嘛，告我請黑工，我拿拿聲送佢地走，其他的，翁靜晶搞唔到我」。 該段對話發生於今年四月四日，釋智定主動向一信徒透露，「大陸公安知道我同佢（智強）假結婚，敲詐勒索我，我花了成百萬元」。釋智定指每次做證件時，佢（公安）都要你買幾部手機，又買電腦，次次都係咁樣，最後一次仲拎走五萬蚊」，「唉，我知道的唔好，但係我從無害過人呀」。 釋智定在對話錄音稱，「○五年，我子宮有瘤，我入嚟出家，我係白紙一張出家㗎，初初唔知點解出血，後來我睇婦科，原來生咗個子宮瘤」。「我出家人唔敢同人講，我返深圳羅湖醫院檢查，三日就出咗報告，知道係良性，我便返港做手術，使咗五千蚊，一邊五粒，一邊四粒，嗰陣時，對我嚟講，係世界末日」。 「我唔敢俾人知，因為出家人怕嘛，第一出家人，第二講俾人聽唔好意思，o依家我怕甚麼，而家登晒報紙我都唔怕」。釋智定指「我諗如果我死咗，呢間寺點算，咁我積番啲口德啦，幫師叔（釋智強）做商務證件，咁就同佢假結婚，俾佢嚟香港，將來我死咗，有個接班人」。至於和第二個如智假結婚，「我係幫寶蓮寺，幫師公釋智慧大師及幫手照顧初慧大師」。如智在寶蓮寺住了三年，幫了寶蓮寺三年，但出咗事後，寶蓮寺推佢落嚟囉，我個心都好傷好傷」。 釋智定與內地和尚結婚，將善信捐款「裝身打扮」被本報揭發後，釋智定向外界解釋「與和尚結婚」純粹為了「輸入和尚人才」，因為本港佛教寺院缺乏和尚專才，她乃犧牲個人名聲，與內地和尚結婚，令他們在港住滿七年取得永久身分證，可以為本港佛教界作出貢獻，但釋智定此說根本「站不住腳」，事實上，釋智定於○二年在寶蓮寺削髮為尼後，至今「六根不淨」，經常將男女情慾掛在嘴邊。 將快五十歲的定慧寺女住持釋智定竟與人暢談男女關係，甚至聲言「有好多男人為我離婚，為我自殺，有些男人哀求我還俗，買別墅叫我去修行，說每天看到我就好了。」

睇更多