TVB劇集《逆天奇案2》由陳展鵬、林夏薇、馮盈盈、黃智賢及蔣祖曼等人主演,劇集播出以嚟話題多多,繼早前客串嘅麥玲玲及李龍基引起一班網民注意後,郭柏妍飾演情癡第三者王姍姍同樣為觀眾帶嚟驚喜。劇集播出後,唔少網民認為郭柏妍演技雖然幼嫩,不過已經突破以往嘅乖乖女形象,成功挑戰角色,甚有新鮮感。除咗劇中表現引起討論,日前佢晒出參加內地空中舞蹈(Aerial Dance)比賽奪獎嘅靚相並分享感受,結果竟然被網民鬧爆,搞到佢要急急留言道歉。